Zv. Ndihmës Sekretari shtetëror i SHBA-së për çështjet evropiane dhe aziatike Matthew Palmer bisedoi në Sofje për përshpejtimin e integrimit euroatlantik të Vendeve të Ballkanit Perëndimor.

Me ftesë të Ambasadores së SHBA-së tek ne znj. Hero Mustafa u organizua darkë, në kuadrin e së cilës ishin të pranishëm ambasadorë, përfaqësues të shteteve të Ballkanit Perëndimor, Greqisë dhe Kroacisë. Për përshtypjet e drejtpërdrejta të ambasadorit të Republikës së Kosovës në Sofje z. Edon Cana, mund të dëgjoni në audio:

• play
• pause
• stop
• mute
• unmute
• max volume

00:00 / 00:00

• Dëgjoni

Update Required To play the media you will need to either update your browser to a recent version or update your Flash plugin.

Ndërkohë MPJ informoi për takimin e zotit Palmer me Ministren e punëve të jashtme Ekateria Zaharieva, në të cilin bashkëbiseduesit kanë shprehur dëshpërimin e tyre për shkak të mungesës së vendimit të Këshillit Evropian për fillimin e negociatave për anëtarësi në BE të Republikës së Maqedonisë së Veriut dhe të Shqipërisë. Ata shpresojnë se një vendim i tillë mund të arrihet në kuadrin e Presidencës kroate të Këshillit të BE-së. “Bashkimi Evropian duhet të angazhohet më shumë me vendet e Ballkanit Perëndimor dhe në këtë mënyrë do të përshpejtojë integrimin e tyre evropian dhe atlantik” – thuhet në informacionin shpërndarë nga Ministria e Punbëve të Jashtme.

Tama ishte diskutuar dhe me Kryeministrin Borisov. “Perspektiva për aderimin e tyre (të vendeve të Ballkanit Perëndimor) në NATO dhe BE është motori kryesor për transformacionet pozitive në regjion”, ka deklaruar Borisovi, duke shtuar se integrimi në BE duhet të vazhdojë në bazë të meritave të tyre personale në zbatimin e kritereve, me theks në sundimin e ligjit, kundërvënien e korrupsionit, lirisë së mediave dhe të drejtave të pakicave kombëtare.