Në një ceremoni zyrtare do të dorëzohen çmimi i madh “Sirak Skitnik” dhe çmimet vjetore për radiogazetari të Radios Kombëtare Bullgare. Ngjarja është pjesë e festimeve të lidhura me përvjetorin e 85-të të medias publike bullgare.

Për çmimin e madh “Sirak Skitnik” për kontribut të rëndësishëm në zhvillimin e BNR-së “Radio Bullgaria” nominoi redaksinë e vet “Internet”. Faqja e internetit e Radio Bullgarisë, startoi gjatë viti 2004 paralelisht me programet në eter. Ky ishte ueb sajti i parë i Radios Kombëtare Bullgare. Ai u vlerësua si unik për Bullgarinë dhe fitoi disa çmime.

I nominuar për “Sirak Skitnik” në kategorinë “Radio projekt i të realizuar vitin e fundit” është projekti “Tregime nga udhëkryqi” - një projekt i Redaksisë së Gjuhës Turke të Radio Bullgarisë, i cili prezanton vepra të autorëve modernë bullgarë në gjuhën turke si një libër audio.

Gergana Mançeva është propozimi i Radio Bullgarisë për çmimin për radio gazetari. Në punën e vet ajo mbron qëndrimin, se një vëmendje të njëjtë meritojnë si veprimtaritë nga fusha e politikës shtetërore, zbulimet shkencore dhe arritjet në arsim, kështu edhe temat nga jeta e përditshme e bullgarëve në vendbanimet e vogla.

Çmimi Sirak Skitnik dorëzohet që nga viti 2001 dhe mban emrin e drejtorit të parë të Radios Kombëtare Bullgare –shkrimtari, piktori dhe veprimtari shoqëror Sirak Skitnik.