Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Blerja e një automjeti të ri është gjithnjë e më e arritshme në Bullgari

Foto: shutterstock

Gjatë këtyre ditëve agjencia BGNES njoftoi duke cituar të dhënat e Policisë Rrugore dhe të importuesve të automobilave se ka një ndryshim në qëndrimin e bullgarit sa i përket blerjes së makinës së re. Kjo akoma po bëhet rrallë dhe nga pikëpamja e raportit midis automobilave të rinj dhe atyre të vjetër për frymë të popullsisë, Bullgaria është një nga vendet e fundit në Evropë. Vjet janë regjistruar 43 368 makina të reja dhe 226 657 të përdorura, kurse 41% prej automjeteve në vend janë në moshë mbi 20 vjet.

Por aktualisht kompanitë importuese propozojnë mundësi shumë më fleksibile për blerjen e një makine të re.  Normat e interesit janë të ulëta dhe një makinë e re mund të merret me lizing me pagesë fillestare vetëm 10% prej vlerës së makinës. Gjatë viteve të fundit rritet përdorimi i të ashtuquajturit lizing operativ – ai jep mundësi që automobili të merret me qira për një periudhë më afatgjatë kundrejt pagimit të kësteve të barabarta mujore dhe pa pagesë paraprake. Në fakt ky është shërbim, nuk është lizing, sepse në fundin e periudhës klienti nuk bëhet pronar i automjetit. Në pjesën më të madhe të rasteve konsumatorët e këtij shërbimi nuk fitojnë pronësi, sepse shfrytëzojnë mundësinë për këmbim të automobilit. Vjet, nga të gjitha shitjet  e makinave të reja, rreth 30% janë realizuar në bazë të kësaj skeme.

Por importuesit janë kategorik se e ardhmja u përket veturave elektrike. Tek modelet e reja ka autonomi deri më 340 kilometra, që në kushte qyteti mbase nuk mund të tejkalohet për një ditë. Po mendohet dhe varianti, në të cilin lizingu do të përfshijë dhe të drejtën e përdorimit për 20 ditë të një makine tjetër jo elektrike, me të cilën klienti mund të ndërmarrë udhëtime deri në vende, ku nuk ka stacione karrikimi pëe automjetin elektrik.

Importuesit presin se edhe shteti do të bëjë disa hapa për stimulimin e blerjes së automobilave të rinj dhe ekologjikë. Ata flasin për sigurimin e stimujve tatimor dhe të formave të bashkëfinancimit, sipas shembullit të shtetet fqinje. Për shembull në Rumani janë parashikuar pulla më të lira për taksat rrugore për pronarët e mjeteve ekologjike, kurse që të stimulohet dorëzimi i makinave për skrap sepse ato e ndotin mjedisin, shteti i jep pronarit subvencion rreth 1800 euro. Në Bullgari stimuj të ngjashëm nuk ka dhe importuesit janë të bindur se duhet të punohet në këtë drejtim.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Dimitër Radev

Sektori bankar i Bullgarisë tashmë është pjesë e mekanizmave të eurozonës

Për anëtarësimin e Bullgarisë në eurozonë, pyetja nuk është nëse, por kur. Një mendim të tillë e shprehu guvernatori i Bankës Kombëtare Bullgare /BNB/, Dimitër Radev, në konferencën në Sofje "Rruga evropiane e Bullgarisë - anëtarësimi në eurozonë:..

botuar më 24-03-15 5.28.MD

Parlamenti i dha dritën jeshile një projekti bërthamor me teknologji amerikane

Me 149 vota "pro", 50 "kundër" dhe tre abstenime, parlamenti ratifikoi në lexim të parë Marrëveshjen midis Bullgarisë dhe SHBA-së për bashkëpunimin për projektin e ndërtimit të një kapaciteti bërthamor në sheshin e Centralit Atomik Elektrik..

botuar më 24-03-14 3.33.MD

Inflacioni po ngadalësohet

Inflacioni mujor për muajin shkurt, sipas Indeksit të Çmimeve të Konsumit, ka qenë 0.3%, raportoi Instituti Kombëtar i Statistikave. Inflacioni mesatar vjetor për periudhën mars 2023 - shkurt 2024 krahasuar me periudhën mars 2022 - shkurt 2023 është..

botuar më 24-03-14 3.01.MD