Komisioni i Antikorrupsionit parashtroi 8 padi për konfiskimin e pronave për 1.5 mln euro. Komisioni konstatoi konflikt të interesave nga ana e drejtorit ekzekutiv të Kompanisë Energjetike Kombëtare Petër Iliev, të cilit shoqëria i ka paguar shpërblime suplementare. Cvetomira Donçeva, ish drejtoreshë e inspektoratit për ekologji në Shumen (Bullgari Verilindore) ka ndryshuar në dobi të vet kushtet për zhvillimin e konkursit për drejtor të institucionit. Për konflikt të interesave është akuzuar edhe shefja e Arkës së Sigurimit Shëndetësor në Sofje, e cila e ka emëruar bashkëshortin e vet si vartës të saj. Rektori i deritanishëm i Universitetit për Teknologji Ushqimore në Plovdiv (Bullgari Jugore) Koljo Dinkov e ka caktuar veten si udhëheqës i një projekti në kuadrin e Programit Operativ dhe ka marrë shpërblime për këtë. Kundër tyre kanë filluar procedura gjyqësore.