Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kontrollimi i kontratave të privatizimit ka për qëllim të rikthejë ndjenjën e drejtësisë në shoqërinë bullgare

Ivan Geshev
Foto: BGNES

Në pjesën më të madhe privatizimi ishte një proces kriminal, tha para Radios Kombëtare Bullgare kryeprokurori Ivan Geshev. “Nga ky proces kriminal morën aktive dhe para një rreth të gjerë shtetasish bullgarë, të cilët tani kanë interes që statukoja të ruhet. Prandaj e zhvillojnë tezën, se herën e tretë bëhet kontrollim të privatizimit, se afati ka skaduar, se nuk ka kuptim. Prokuroria do të kryejë punën e vet në përputhje me ligjin në fuqi”, tha kryeprokurori dhe shtoi, se detyrë e politikanëve si pjesë e pushtetit legjislativ është të bëjnë korrigjime në Kushtetutë kështu që të hiqet afati i kontrollimit të procesit të privatizimit. Sipas tij atëherë prokuroria do të jetë me duar të zgjidhur për hetime të tërësishme dhe kompetente, vetëm kështu do t’u garantohet shtetasve bullgarë drejtësi.
“Duhet të përfundojnë kontrollimet e para për afro 100 struktura dhe ndërmarrje shtetërore. Disa prej tyre janë për Kombinatin “Kremikovci”, Termocentralin “Bobov Doll”, Aviacionin Civil Bullgar “Ballkan”. Ato janë kontrata të privatizimit me aktive më të mëdha. Fillojmë kontrollimin sipas aktiveve, jo sipas vlerës së kontratës, sepse Kombinati “Kremikovci” u shit për 1 dollar. Në çdo vendbanim mund të dëgjohet një histori e njëjtë për ndërmarrje në të cilat banorët e kanë nxjerrë bukën e gojës në to dhe se ato u shitën për 1 dollarë. Mirëpo, ato ndërmarrje kishin aktive dhe para në llogari bankare. Kështu njerëzit në vendbanimet e ndryshme mbetën pa punë. Dhe pasi kudo flitet për këtë nuk është e mundshme që kjo të mos jetë e vërtetë.”
Etapa e dytë e veprimeve do të përqendrohet mbi ndjekjen e mënyrës së kontrollimit të procesit të privatizimit nga prokuroria dhe organet shtetërore.
“Kam shpresë se në se do të bëhet një analizë objektive e tërë procesit të privatizimit do të kemi bërë gjithçka të mundshme që të rikthejmë ndjenjën e drejtësisë te njerëzit në një shkallë më të madhe se sa është tani”, tha akuzuesi numër një në Bullgari Ivan Geshev.



Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Edi Rama kërkon një vend në Athinë për të takuar diasporën shqiptare Të gjitha partitë në Greqi kanë deklaruar se vizita e kryeministrit shqiptar Edi Rama në Athinë është e padëshirueshme. Ai kërkon të takohet me diasporën shqiptare më 12..

botuar më 24-05-11 5.55.PD

Në Bullgari fillon fushata zgjedhore për votën “2 në 1”

Nga ora 00:00 e datës 10 maj, Bullgaria është në një fushatë zgjedhore 30 ditore. Kjo është fushata e gjashtë për një parlament kombëtar brenda 3 viteve e gjysmë. Megjithatë, e veçanta është se tani për besimin e zgjedhësve do të konkurrojnë  si..

botuar më 24-05-10 5.15.PD
Presidenti Radev

Presidenti Rumen Radev: Së shpejti do të bëhet e qartë nëse Maqedonia e Veriut do të ndjekë rrugën drejt Evropës

Në Ditën e Evropës , le të urojmë për një Bashkim Evropian që vazhdon të ndërtojë unitetin e tij mbi parimet e demokracisë dhe paqes. Kështu tha presidenti Rumen Radev pas vendosjes së luleve para monumentit të Luftëtarit të Panjohur me rastin e..

botuar më 24-05-09 11.31.PD