Zëvendës kryeministrja dhe ministre e punëve të jashtme Ekaterina Zaharieva ndodhet për vizitë në Shkup ku në kuadrin e kryesisë së përbashkët të Procesit të Berlinit nga Bullgaria dhe Maqedonia e Veriut zhvillohen dy veprimtari – forumi për Ballkanin Perëndimor dhe takimi i ministrave të jashtëm të shteteve të regjionit. Ditën e parë të vizitës në Shkup zonja Zaharieva do t’i bëjë dhuratë Ministrisë Maqedonase të Shëndetësisë në kuadrin e ndihmës zyrtare bullgare për zhvillim. Dhurata përbën kompjuterë, printerë dhe aparaturë mjekësore për diagnostikim të hershëm të fibrozës cistike për spitalin e fëmijëve në Shkup.