Radioja Kombëtare Bullgare © 2021 Të gjitha të drejtat janë të rezervuara

Si koronavirusi do të ndikojë ekonominë bullgare

Foto: Pixabay

Koronavirusi erdhi në Bullgari në një moment tepër të ndërlikuar. Nga Turqia mijëra refugjatë dëshirojnë të hyjnë në territorin e Bashkimit Evropian dhe megjithëse tani për tani ata nuk mund të kalojnë kufijtë e mbrojtura rreptësishtë, situata është shqetësuese si për autoritetet, ashtu dhe për popullsinë e rajoneve kufitare. Brenda Bullgarisë vala e dytë e gripit sezonal është me intensitet të madh dhe për këtë arsye është shpallur pushim në të gjitha shkollat bullgare, janë ndaluar vizitat e të afërmve të pacientëve në të gjitha spitalet dhe janë ndaluar operacionet e planifikuara kirurgjike. Dhe kur në këto rrethana gjatë fundjavës së kaluar ishin regjistruar rastet e para të kjoronavirusit, menjëherë u shpallën masa akoma më të ashpra për lokalizimin e sëmundjes dhe për kundërvënien e panikut në shoqëri. Tani situata është nën kontroll.

Në këtë sfond biznesi bullgar nuk mund të jetë i qetë dhe po përgatitet për zhvillime të pafavorsme në tregun bullgar dhe në tregjet e jashtme. Kriza është globale dhe shqetësimi po pushton gjithnjë e më shumë vende në botë dhe tregjet e tyre, disa prej të cilave janë me rëndësi jashtëzakonisht të madhe për ndërmarrjet bullgare dhe luajnë një rol të rëndësishëm për rritjen e Produktit të Brendshëm Bruto, pakësimin e papunësisë dhe rritjen e të ardhurave. Në videokonferencë me pjesëmarrjen e liderëve të Izraelit, Hungarisë, Rumanisë, Italisë, Austrisë dhe Qipros kryeministri Bojko Borisov nënvizoi se bota duhet të gjejë zgjidhje sepse kriza ekonomike dhe financiare po troket në derë. Shtabi i posaçëm për koronavirusin premtoj se masat kundër sëmundjes do të jenë të tilla, se të mos e pengojnë biznesin.

Duka pasur parasysh zhvillimin e situatës në vendet më të prekura nga COVID-19, duket se ekonomia bullgare do të ketë probleme serioze. Ekspertët janë të mendimit se sektorët më të prekur do të jenë  turizmi, transporti, biznesi i argëtimeve dhe industritë, prodhimi i të cilave shiten në tregjet e jashtme. Tashmë ka prenotime të anuluara për sezonin veror në bregdetin bullgar dhe kjo mund të kërcënojë tërë ekonominë kombëtare, sepse të ardhurat prej turizmit përbëjnë 12% prej Produktit të Brendshëm Bruto. Një faktor tjetër negativ është rritja e ngadalësuar e ekonomive të mëdha të Bashkimit Evropian, të cilat janë partneret kryesore për tregtinë e jashtme bullgare. Kjo do të thotë më pak porosi për ndërmarrjet bullgare, të cilat punojnë me partnerë të jashtëm. Për disa kompani kjo mund të jetë fatale.

Industria e argëtimeve në vend me siguri do të jetë shumë e prekur për shkak të ndalimit të aktiviteteve në vende ku mblidhen shumë njerëz -  ngjarje sportive, koncerte, shfaqje teatrale, ekspozita, kinema. Pasoja negative do të ketë dhe për restorantet dhe hotelet. Asnjë njeri, i cili kujdeset për shëndetin e vet nuk do të dëshirojë të marrë pjesë në ngjarje, në të cilat janë mbledhur shumë njerëz.

Rrezik ka dhe për sektorin e transportit për shkak të tregtisë së kufizuar dhe uljen e udhëtimeve. Disa ekspertë botërorë pohojnë se për shkak të epidemisë dhe frikës prej saj ka ulje edhe në kërkim edhe në ofrim. Prova më e bindshme për këtë është Kina – vendi më i prekur tani për tani nga COVID-19. Vetëm nga fillimi i vitit ulja e eksportit atje është 17%. Këto probleme janë shumë të dukshme në bursat botërore, ku ulja e besimit të investitorëve gjithashtu ndikon aktivitetin ekonomik.

Biznesi bullgar nuk është një ishull i izoluar dhe nuk ka se si proceset botërore të mos na prekin. Por përveç kësaj ai ka provuar se është fleksibil dhe ka mjaft aftësi për të adaptuar. Ndërmarrjet më të vogla (90% prej biznesit bullgar) më lehtë u përshtaten ndryshimeve, pohon në një intervistë për Radion Kombëtare Bullgare Kryetari i Asociacionit të kapitallit Industrial Vasil Velev.

Parashikimet zyrtare për rritje 3,3% të ekonomisë bullgare nuk do të realizohen dhe ndoshta ulja do të jetë deri më 3%. Kjo do të jetë për shkak të shterimit të mundësive të tregut të punës, konsumit të paqëndrueshëm të brendshëm dhe të jashtëm dhe investimeve të druajtura të huaja. Ulja e mundshme të ekonomisë bullgare ndoshta nuk do të jetë e vogël dhe do të ndikojë tërë shtetin.

Përgatiti në shqip: Jordanka Ivanova

Më shumë nga rubrika

Pengjet ekonomike të partive në Parlamentin e ardhshëm

Me votën e tyre të fundit bullgarët treguan qartë se duan një ndryshim rrënjësor në qeveri. Për gati një vit ata demonstruan në sheshe qëllimin e tyre për t'u dhënë fund tendencave aktuale politike të cilat e mbështesin statukuon për dekada. Sidoqoftë,..

botuar më 21-04-06 1.28.MD

Gjatë vitit të pandemisë borxhi shtetëror është rritur me 22.5%

Borxhi i qeverisë u rrit me 2.72 miliardë euro ose 22.5% për një vit. Borxhi i nënsektorit të “Qeverisë Qendrore” në fund të shkurtit 2021 arriti në 14.8 miliardë euro, njoftoi Ministria e Financave. Në fund të shkurtit 2020, borxhi arriti në 12.1..

botuar më 21-04-01 4.55.MD
Olivier Marquette

Këmbimi i mallrave Bullgari – SHBA është mbi 1 mlrd. dollarë për vitin 2020

Presidenti i Dhomës Amerikane të Tregtisë në Bullgari, Olivier Marquette , përgëzoi Kryeministrin Bojko Borisov se në përfundim të mandatit të tij ka siguruar stabilitetin politik në vend.  “Bullgaria ka një potencial të madh..

botuar më 21-04-01 3.21.MD