Presidenti Rumen Radev, Kryeministri Bojko Borisov dhe shefi i Shtabit Operativ Kombëtar Vencisllav Mutafçijski diskutuan ditën e diel situatën rreth përhapjes së COVID-19 në Bullgari. Pas takimit Presidenti deklaroi se në këtë moment të krizës ka nevojë për mobilizim, unitet dhe solidaritet të plotë për përballimin e vështirëve. Kreu i Shtetit i bëri thirrje qeverisë për të aplikuar urgjentisht mekanizma për ndihmë të më të prekurve nga masat kufizuese. Kryeministri bëri të ditur se çdo një punonjës mjekësor, i cili është në linjën e parë të luftimit të infeksionit do të marrë suplementarisht 500 euro (1000 leva) në muaj. Biznesi gjithashtu do të marrë ndihmë, pasi llogariten me vëmendje të madhe rezervat e shtetit dhe angazhimet e tij ndaj pensionistëve, mjekëve, policisë, ushtrisë etj. Të gjithë të sëmurët me raport mjekësor gjithashtu duhet të marrin mbrojtje nëpërmjet fondit social, tha Kryeministri Borisov.