Bullgaria do t’u propozojë vendeve në BE për t’i furnizuar me veshje mbrojtëse. Kjo do të realizohet nëpërmjet një prokurimi të madh publik të BE-së për furnizime të pajisjeve mbrojtëse kundër koronavirusit, tha Kryeministri Bojko Borisov. Gjatë vizitës në një ndërmarrje të teknologjisë së lartë në Vraca(Bullgari Veriperëndimore), e cila prodhon veshje mbrojtëse, Borisov deklaroi se Bullgaria është duke marrë pjesë në prokurimin publik. Detajet do të shqyrtohen me Këshillin Evropian në një video-konferencë këtë mbrëmje, kur do të bisedojnë liderët evropianë. Veshjet mbrojtëse janë porositur për Gjermaninë, por porosia është ndaluar derisa të mos furnizohen së pari punonjësit mjekësorë bullgarë.