Me rastin e rekomandimit të Komisionit Evropian për lehtësimin e lëvizjes së punonjësve sezonalë, Kryeministri bullgar komentoi para gazetarëve se tani nuk është momenti për t’u debatuar kjo çështje. Ai sqaroi se nuk është kundër lëvizjes së lirë të njerëzve, përfshi këtu dhe emërimin e punonjësve sezonalë nga vende anëtare të BE-së, por sipas tij shtetasit bullgarë nuk duhet të shkojnë në vende të rrezikuara, si Austria, ku u emëruan urgjentisht infermiere bullgare. “Mendoj se nuk është e drejtë që ata të shkojnë për të punuar atje dhe pas skadimit të kontratave të kthehen në Bullgari, ta transmetojnë infeksionin dhe për këtë të vuajnë të gjithë qytetarët e tjerë në vend” – vuri në dukje Borisov.