Kryeministri Bojko Borisov do të ndihmojë klubin profesional të futbollit “Levski”, por vetëm pas ndërrimit të pronarit të tij, bëri të ditur Ministri i sportit Krasen Karlev. Me letër dërguar kryeministrit tifozët “blu” kanë kërkuar leje për financimin e klubit sportiv nga sponsori i deritanishëm, apo lëshimin e kredisë nga ana e shtetit me qëllim që të evitohet falimentimi.

Deri tani skuadra “Levski” financohej nga kompanitë e biznesmenit Vasill Bozhkov, i cili po i fshihet drejtësisë bullgare në Dubai.  

Ministri i sportit deklaroi gjithashtu se kampionati kombëtar i futbollit mund të vazhdojë më 5 apo 12 qershor në kushtet e respektimit të masave të posaçme kundër epidemisë dhe pa publik.