Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Muzika bullgare është interesante dhe në variantin klasik dhe në atë folklorik”

Mihaill Dellçev është konsulli i ri i nderit në Danimarkë

“Ambasadorët e kulturës bullgare” kështu i quajmë muzikantët tanë, të cilët kanë fituar famë dhe njohje nëpër botë. Mes tyre pa dyshim që është dirigjenti Mihaill Dellçev (Michael Deltchev), i cili prej dekadave të tëra me radhë jeton dhe punon në Danimarkë. Para disa ditëve ai u bë konsull nderi i Bullgarisë. Do të zhvillojë veprimtarinë e tij të konsullit në qytetin Ebeltoft si dhe në rrethin konsullor Midtjylland në rajonin qendror të Jutlandit. Në këtë krahinë, grupi më i madh i bullgarëve gjendet në qytetin universitar Orhus (Aarhus), ku studentët bullgarë studiojnë sipas programeve të ndryshme. Për vendimin e Këshillit të Ministrave dhe për emërimin e tij, zoti Dellçev mësoi nga mediat.

“E dija se, Ambasada Bullgare në Danimarkë prej kohe është angazhuar me këtë propozim, por procedura është e gjatë, kërkon saktësime dhe inspektime serioze nga të dyja palët. Unë drejtoj mjaft grupe në Danuimarkë. Aktualisht është shumë e vështirë, sepse nuk ka sesi të punojmë. Janë të ndaluara mbledhjet e më shumë se 10 vetave në një vend. Kore, orkestra, teatro... që të gjitha institucionet kulturore nuk funksionojnë. Presim datën 10 maj, kur karantina do të hiqet. Që nga mesi i muajit prill rifilluan orët e mësimit në klasat fillestare shkollore. Shpresojmë që në një kohë sa më të shkurtër dhe universitetet të hapin dyer për veprimtarinë e vet të zakonshme mësimore.

Në Suedi, ku punoj me një kor për këngë popullore bullgare “Perunika” kanë një filozofi tjetër sa i përket epidemisë. Aty jeta pothuajse nuk ka ndryshuar, me përjashtim të masave për respektimin e distancës. Kolegët e mi, por dhe koristët më dërgojnë vazhdimisht fotografi sesi shëtisin, shkojnë dhe nëpër restorante.”

kori “Perunika”

Mes grupeve të cilat i drejton Mihailli në Danimarkë është dhe kori popullor i grave “Sedjanka”, i cili gjatë vitit të kaluar festoi 25-vjetorin e themelimit të vet. Zonjat nga grupi “Sedjanka” jo njëherë kanë ardhur për vizitë tek ne dhe kanë marrë pjesë me këngët e veta bullgare nëpër tubime, festivale dhe koncerte të ndryshme.

kori “Sedjanka”

Dirigjenti punon me një kor të oratorisë prej 42 këngëtarëve si dhe me një grup vokal dhome. Janë të planifikuar koncerte gjatë muajve qershor dhe korrik, incizime në studio. Kurse me korin “Perunika” do të zhvillojnë leksione dhe koncerte, përgjithësisht me folklor bullgar në pothuajse të gjithë Suedinë.

Por, çdo gjë varet nga rritmi me të cilin do të kthehemi  drejt jetës sonë normale. Sa i përket veprimtarisë së tij si konsull, dirigjenti thotë:

“Tani do të duhet të planifikojmë angazhimet tona të ardhshme, por në këtë situatë që po ndodhemi është akoma shumë herët. Shpresoj se gjatë verës dhe vjeshtës të mund të kemi një qartësi, kuptohet se çdo gjë do të jetë e koordinuar me veprimtarinë e ambasadës bullgare. Detyra jonë kryesore është ta popullarizojmë vendin tonë përmes iniciativave të përbashkëta dhe veprimtarive të ndryshme. Do të ma kishte qejfi që të tingëllonte muzikë bullgare nga të gjitha gjinitë. Mendoj se, muzika bullgare është interesante dhe në variantin e vet klasik dhe në atë folklorik e vet. Mjerisht, krijimtaria e kompozitorëve tanë në fushën e muzikës simfonike dhe të dhomës nuk është e njohur shumë mirë, por shpresoj që kjo të mund të ndryshojë.” 

Përgatiti në shqip: Nataniela Vasileva

Foto:  arkiv personal



Последвайте ни и в Google News Showcase, за да научите най-важното от деня!

Më shumë nga rubrika

Opera e Varnës me shfaqjen e parë bullgare të "Rusalka" nga Antonín Dvořák

Një ngjarje e jashtëzakonshme muzikore pritet më 20 gusht në Varna. Në kuadrin e festivalit "Opera në Teatrin Veror", për herë të parë jo vetëm në historinë e saj 78-vjeçare, por edhe në historinë e teatrit bullgar të operës, Opera e Varnës do..

botuar më 25-08-18 3.45.MD

"MÓMA (REMIX)"

Në jetën muzikore, vera është sezoni i emocioneve të klubeve, prandaj është edhe veçanërisht i përshtatshëm për realizimin e remikseve. Pas versionit origjinal audio të këngës “MÓMA”, Preja na sjell edhe një remix të kësaj kënge. Ai është punë e..

botuar më 25-08-18 7.30.PD

Spektakli unik “Zë dhe dritë” – për herë të parë me muzikë live

Spektakli unik në Ballkan, por edhe në Evropë, “Zë dhe dritë”, i cili rikrijon momente të rëndësishme nga historia bullgare në sfondin e mbetjeve shekullore të epokave heroike në kryeqytetin e vjetër Veliko Tërnovo, feston 40-vjetorin. Me këtë rast..

botuar më 25-08-17 7.00.PD