Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Në dy shkolla në Anglinë Jugore bullgarët e vegjël mësojnë shkrim e këndim në gjuhën e tyre amtare

Para 10 vitesh Maja Nikollova vendoset në Britaninë e Madhe. Atje njihet me disa familje të reja nga Bullgaria, të cilët kërkojnë mundësi që fëmijët e tyre të praktikojnë gjuhën amtare. Mirëpo, në qytezën provinciale Bournemouth, ku vendoset Maja, nuk ka vend të tillë. Prandaj bullgarja ambicioze vendos të hapë një shkollë bullgare. Derisa i përgatit dokumentet, që ta regjistrojë sipas legjislacionit anglez dhe atij bullgar, me të vendos kontakt Margarita Dimitrova nga qyteti i afërt Portsmouth dhe i propozon që të organizohet një shkollë atje, sepse ka interes të madh. Dhe kështu, gjatë vitit 2017 në Anglinë Jugore u hapën dy shkolla të fundjavës, që mbajnë emrin e rilindësit të madh Vasill Aprillov.

“Gjatë vitit të parë – thotë Maja Nikollova – kishim 22 fëmijë, por gjatë viteve numri i tyre u rrit. Për vitin e ri shkollor janë regjistruar 44 fëmijë.”


Komuniteti bullgar në Bournemouth dhe Portsmouth përbën rreth 1000 veta, ndërsa vogëlushit, të cilët e mësojnë gjuhën amtare janë të moshës nga 5 deri në 12 vjeçe. Më të vegjlit mësojnë të gjitha lëndët mësimore, sepse ata kanë nevojë për të mësuar fjalë të reja nga të sferat e ndryshme të jetës. Që në klasën e parë fillon mësimi i gjuhës dhe letërsisë bullgare në kuadrin e programit të detyrueshëm të Ministrisë së Arsimit, ndërsa nxënësit më të mëdhenj mësojnë histori, gjeografi etj.

“Kemi krijuar klube sipas interesave të nxënësve ku ata mësohen të punojnë me materiale të ndryshme natyrore, prezantojmë festa dhe tradita bullgare, të cilat respektohen në Bullgari dhe janë shumë të ndryshme nga ato në Angli – na tregon Maja Nikollova. – Të gjithë fëmijët, të cilët e kanë mbaruar vitin me sukses, marrin certifikatë. Një pjesë shumë e vogël e familjeve do të kthehen në Bullgari, por ky dokument është i vlefshëm në shkollat bullgare dhe mund të përdoret nga kandidat-studentët, të cilët aplikojnë në universitetet bullgare.

Filolog dhe kontabilist për nga arsimi Maja Nikollova bën çmos që t’i arrijë qëllimet e vëna. Ndër idetë e saj interesante janë shkrimi i letrave mes fëmijëve dhe shëtitjet virtuale në qytetin e saj të lindjes Veliko Tërnovo.

“Njëra prej ideve të mia tashmë po realizohet – thotë Maja Nikollova. – Janë marrë letrat e parë dërguar fëmijëve bullgarë nga Luksemburgu dhe Cornwall i Anglisë. Aktualisht përpiqemi që ta përhapim këtë ide të mirë edhe ndër shkollat në Bullgari, sepse është mirë për fëmijët tanë për të komunikuar me moshatarët e tyre nga Bulgaria.”

Prindërit nga tri qytetet e afërta, ku banojnë rreth 200 familje bullgare, gjithashtu kanë shprehur dëshirë që fëmijët e tyre të mësojnë bullgarisht. Prandaj Maja Manollova shpreson që së shpejti të krijojë atje një filial të shkollës bullgare. 


Gjëja më e rëndësishme që duhet të mësojnë fëmijët është respekti dhe toleranca ndaj çdo një gjuhe, dashuria ndaj gjuhës bullgare dhe krenaria se janë pjesë e një populli të madh – thotë Maja Nikollova. – Unë po ëndërroj që një ditë fëmijët tanë të krenohen për historinë tonë dhe të krijojnë një histori, e cila do të mbetet në librat mësimorë.


Përgatiti në shqip: Vesella Mançeva

Më shumë nga rubrika

Co-living dhe co-working përmes një kooperative - si Semkovo do të bëhet një parajsë për nomadët digjitalë

Nomadët digjitalë nga e gjithë bota duan të krijojnë një komunitet të madh ndërkombëtar në vendpushimin bullgar të Semkovos. Për këtë qëllim ata po përgatiten të transformojnë një hotel të braktisur të ndërtuar në vitet 1980. Ndërtesa ka një pamje..

botuar më 23-02-04 1.15.MD
Atanas Atanasov

E ëmbël si një mollë, e lëngët si një dardhë e pjekur - për veçoritë e qepës së ujshme nga fshati Reselec

Përveç natyrës piktoreske, Reselec njihet edhe për një lloj të veçantë qepe, e cila rritet vetëm në zonën e këtij fshati, të vendosur mes formacioneve shkëmbore të bukura. Në këtë pjesë të veriperëndimit bullgar, qepa është mjeshtre e tryezës..

botuar më 23-02-03 7.15.PD

Lufta në Ukrainë mund të përshpejtojë ndërtimin e urave mbi lumin Danub

Trafiku i ngarkuar midis Bullgarisë dhe Rumanisë, i rënduar nga lufta në Ukrainë, vendos sërish në rendin e ditës çështjen e ndërtimit të një ure të tretë mbi lumin Danub, e cila do të përmirësonte lidhjen midis dy vendeve evropiane...

botuar më 23-02-02 2.35.MD