Prokuroria e Specializuar dhe Prokuroria Ushtarake hynë në godinën e administratës së Presidentit dhe kontrolluan në të dy nga zyrat. Aksioni është lidhur me dy procedime të ndryshme paragjyqësore, tha Prokurori i Përgjithshëm Ivan Geshev.

Njëri është lidhur me akuzë për ushtrimin e ndikimit dhe në kuadrin e tij janë intervistuar sekretari i Presidentit për çështjet juridike dhe kundër korrupsionit Pllamen Uzunov dhe afaristi Pllamen Bobokov.

Tjetri ka të bëjë me një këshilltar të Presidentit, i cili ka përdorur në mënyrë të paligjshme dokumente me informacion të klasifikuar, shpjegoi Geshevi.

Me urdhëresë të Agjencisë Shtetërore të Sigurisë Kombëtare Pllamen Uzunov dhe këshilltari i presidentit për çështjet e sigurisë dhe mbrojtjes Ilija Millushev nuk mund të përdorin më dokumente sekrete.