Nga qyteti Pleven (Bullgari Veriore) nis marshimi turistik kombëtar “Në hapat e Apostullit”. Për vitin e 26-të me radhë turistët nga e gjithë vendi do të ecin nëpër hapat e revolucionarit Vasill Levski, i cili ia kushtoi jetën e vet lirisë së Bullgarisë.

Turistët, të cilët do të nisin nga vende të ndryshme të Bullgarisë, do të takohen në qytetin e lindjes së Apostullit, Karllovo, për të shënuar përvjetorin e ditëlindjes së bullgarit të madh, 18 korrik.

Insiciativa organizohet çdo vit me idenë e Vasill Kopçevit, i cili sot është ndër pjesëmarrësit më të moshuar në të.

Marshimi do të fillojë zyrtarisht më 14 qershor me vendosjen e luleve para monumentit të Vasill Levskit në qendrën e Plevenit.