Gjykata e Specializuar Penale vendosi lirim dyvjeçar me kusht me periudhë prove trevjeçare për ish ministrin e energjetikës Rumen Ovçarov në procesin për “Minierat Bobov Doll”. Ai u shpall fajtor se qëllimisht nuk ka ushtruar kontroll mbi drejtorin ekzekutiv të minierave Pllamen Stefanov dhe kështu i ka sjellë dëme shtetit më se 8 milion euro. Gjykata pranoi gjithashtu kërkesën civile ngritur kundër Ovçarovit në të njëjtën sasi. Me po këtë dënim është edhe Pllamen Stefanovi i cili i solli dëme vendit mbi 11 milion euro. U pranua edhe kërkesa civile në po këtë sasi ndaj tij. Dënimet me kusht janë për arsye se të dy ata nuk kanë dënime të tjera dhe se bëhet fjalë për krim nga 14 vjet më parë.