Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Nuk ka të dhëna për shtetas të lënduar bullgarë gjatë shpërthimit në Bejrut

| rinovuar më 20-08-05 12.08.MD
Foto: ЕPA/BGNES

Nuk ka të dhëna për shtetas të lënduar bullgarë gjatë shpërthimit në kryeqytetin e Libanit Bejrut, bëri të ditur Ministria bullgare e Punëve të Jashtme.

Shpërthimi në rajonin e portit ka qenë jo larg Ambasadës bullgare në Bejrut, por nuk ka nëpunës të dëmtuar. Në katër kate të godinës ka dëme minimale prej dritareve të thyera. Ambasadori bullgar në Bejrut Bojan Velev tha para televizionit Nova se ka dëgjuar dy shpërthime njëri pas tjetrit.

Rojters transmetoi se gjatë tragjedisë kanë vdekur mbi 100 veta, ndërsa të plagosurit janë mbi 4000. Presidenti Michel Aoun tha se eksplozioni është shkaktuar nga 2750 tonë nitrat amoniumi i cili është ruajtur në një depo të rrezikshme të vjetër që nga viti 2015. Zjarri ka shpërthyer gjatë punimeve të remontit.

Zëvendëskryeministrja dhe Ministre e Punëve të Jashtme Ekaterina Zaharieva shprehu ngushëllime dhe solidaritet ndaj popullit të Libanit dhe të afërmve të të vdekurve gjatë shpërthimit në Bejrut. Zaharieva i dërgoi telegram ngushëllimi Ministrit të Punëve të Jashtme të Republikës së Libanit Charbel Wehbe. U urojmë një rimëkëmbje të shpejtë të plagosurve, shënon Zaharieva në telegramin e ngushëllimit dërguar homologut të saj, bëri të ditur MPJ-ja e Bullgarisë.

Kryeministri Bojko Borisov gjithashtu i dërgoi telegram ngushëllimi Kryeministrit të Republikës së Libanit Hasan Diab me rastin e incidentit tragjik, bëri të ditur zyra e shtypit e qeverisë.





Последвайте ни и в Google News Showcase, за да научите най-важното от деня!

Më shumë nga rubrika

Gjykata e shpalli të paligjshme zgjedhjen e 16 deputetëve, partia “Veliçie” hyn në parlament

Gjykata Kushtetuese e shpalli të paligjshme zgjedhjen e 16 deputetëve. Vendimi është publikuar në faqen e institucionit. Vendimi i Gjykatës Kushtetuese bën të qartë se pas rillogaritjes së rezultateve, partia “Veliçie” kalon barrierën prej 4 për qind..

botuar më 25-03-13 5.23.MD
Presidenti Rumen Radev

Presidenti Rumen Radev: Vetëm Parlamenti mund të vendosë nëse do të ketë një referendum për euron

Bullgaria është zotuar t'i bashkohet monedhës së përbashkët evropiane që me nënshkrimin e traktatit për pranimin e saj në BE. Kështu ua ka kujtuar presidenti Rumen Radev studentëve të Universitetit të Plovdivit “P. Hilendarski”. Fjalët e kreut të shtetit..

botuar më 25-03-13 4.13.MD

Gjithnjë e më shumë njerëz vuajnë nga problemet e veshkave për shkak të palëvizshmërisë dhe peshës së tepërt

Rritet numri i personave me probleme me veshkat, njoftoi në Ditën e sotme Botërore të Veshkave prof. Biser Borisov, shef i Klinikës së Nefrologjisë në Spitalin Universitar "Dr.Georgi Stranski" në Pleven. Sipas tij, sëmundjet kronike të veshkave prekin..

botuar më 25-03-13 12.56.MD