Partia Socialiste Bullgare nuk përkrah projektin për Kushtetutë të re, të propozuar nga partia GERB dhe nuk do të marrë pjesë në konsultimet për ndryshime në kushtetutë. Këtë e njoftoi në konferencën e jashtëzakonshme të shtypit Janaki Stoillov nga Këshilli Kombëtar i Partisë Socialiste Bullgare. Socialistët apelojnë për “një kundërshtim kategorik me veprime parlamentare dhe masive të përpjekjes për ndërrimin kushtetues”, njoftojnë reporterët tanë. Më herët sot në një intervistë për Radion Kombëtare Bullgare kryetarja e grupit parlamentar të partisë GERB Daniella Daritkova, e cila dje paraqiti projektligjin themelor në Kuvendin Popullor deklaroi se, partia e saj është gati për të pastruar gabimet ligjore dhe teknike nga projekti për Kushtetutë të re në dialog me partitë në parlament dhe protestuesit.