Në mëngjesin e 47 të protestës të qytetarëve me kërkesë për dorëheqjen e Kryeministrit Bojko Borisov dhe të Kryeprokurorit Ivan Geshev protestuesit do të vendosin lule para godinës së administratës së rrethit të Sofjes. Shkasi është publikimi në Facebook i prefektit Ilian Todoroiv me fjalë ofenduese ndaj pjesëmarrësve në demonstratat antiqeveritare. Në kryeqytet mbeten të mbyllura tri udhëkryqe kryesore – në Orllov Most, pranë Universitetit të Sofjes “Shën Klementi i Ohrit” dhe midis Presidencës dhe Këshillit të Ministrave.

Dje dita e 46 e protestave kaloi qetë në Sofje. Demonstruesit kaluan nga sheshi “Nezavisimost” pranë kampit të çadrave në udhëkryqin e Orllov Mostit. Ata realizuan një  video-lidhje me pjesëmarrësit në protestat në Varna. Për të gjashtën mbrëmje me radhë u mbajt edhe një kontra-protestë kundër bllokimit të rrugëve kryesore në kryeqytet.