Një pjesë e madhe e pikturave të tij rikrijojnë ngjarje historike dhe më në veçanti momente të rëndësishme nga historia bullgare. Vasill Goranov është një nga piktorët tanë më të mëdhenj, i cili krijon vepra me tematikë historike. Ai ka fituar çmimin e tij të parë që në moshën 4 vjeç, ndërsa takimi i parë profesional i piktorit me artin figurativ ka qenë në Universitetin e Veliko Tërnovos, ku është diplomuar në degën e pikturës.

Thuhet se ai ka talentin e madh për ta ndier historinë. Vasill Goranov arrin të rikrijojë nëpërmjet furçës së piktorit me mjeshtëri të madhe ngjarjet e saj kryesore dhe personazhet e famshme. Pikturat e Vasill Goranovit janë krijuar me bojëra vaji dhe janë në pronësi të një numri koleksionistësh bullgarë dhe të huaj. Punimet e tij zbukurojnë faqet e librave shkollorë mbi historinë bullgare, si dhe libra me tema historike.

Më shumë hollësi për këtë krijues origjinal bullgar mund të lexoni në artikullin tonë “Vasill Goranov – piktori i cili e gjallëron historinë bullgare” nga koleksioni i Radio Bullgarisë.