Pak njerëz e dinë se nën lagjen e qytetit të Bullgarisë Verilindore Devnja gjenden rrënojat e një prej qendrave strategjike të Perandorisë Romake - Marcianopol. Vendi tërhoqi vëmendjen e romakëve me sasinë e bollshme të materialeve të ndërtimit dhe ujit të pijshëm.

Sipas legjendës një ditë perandori romak Trajan u ndal me trupat e tij pranë burimeve karstike të Devnjas dhe motra e tij Marcija dërgoi shërbyesen të sjellë ujë, por mjerisht ena e artë i ra nga duart dhe u fundos. Kur pas ca kohe ena doli në sipërfaqe të lumit të afërt, romakët e pranuan çudinë si shenjë nga hyjnitë. Kështu në këtë vend perandori themeloi qytet të cilin e quajti Marcianopol me emrin e motrës së tij të bukur.

Qyteti është i ndërtuar në bazë të sistemit ortogonal me rrugë të drejta, të orientuara në drejtimet e botës. Në pjesët qendrore, si dhe në lagjet janë ngritur godina të mëdha shoqërore, tempuj të hyjnive nga panteoni greko-roman, biblioteka, arka triumfale.

Më shumë për këtë qytet të madhërishëm në territorin e Bullgarisë tregon botimi “Marcianopol – qyteti me mozaikët marramendës romakë” nga koleksioni i Radio Bullgarisë.