Radioja Kombëtare Bullgare © 2021 Të gjitha të drejtat janë të rezervuara

Ngjarjet me adresë ballkanike

Ministria e Punëve të Jashtme zhvilloi një bisedë me udhëheqësin e përkohshëm të Ambasadës së Maqedonisë Veriore në Sofje

Ministria bullgare e Punëve të Jashtme ka ftuar për bisedë udhëheqësin e përkohshëm të Ambasadës së Maqedonisë Veriore në Sofje. Për këtë njofton Ministria e Punëve të Jashtme në Facebook -faqen e vet. Në takim pala bullgare ka deklaruar se vlerëson veprimet e shpejta të autoriteteve në Shkup lidhur me rastin e ndezjes së flamurit bullgar dhe manifestimet e gjuhës së urrejtjes në mediat sociale kundra disa anëtarëve të qeverisë bullgare. I është kushtuar vëmendje faktit se Bullgaria pret reagim dhe sa i përket shpërndarjes së të dhënave në Facebook të njerëzve me një shtetësi bullgare, të cilët jetojnë në territorin e Maqedonisë së Veriut, dhe thirrjeve për vetëgjyqësi.

Një vit pas tërmetit katastrofal në Shqipëri

Para një viti, në mëngjesin e datës 26 nëntor, Shqipëria u trondit nga tërmeti më i fortë prej disa dekadave - me një madhësi 6,4 sipas shkallës Rihter. Tërmeti goditi qytetet Durrës dhe Tiranë, duke vrarë dhjetëra dhe duke plagosur më shumë se njëmijë veta. Pasojat e tërmetit prekën akoma mbi 200 mijë veta, shtëpitë e të cilëve u shkatërruan. “Këto ishin ditët dhe netët më të vështira në jetën time. Familjet dalëngadalë po kthehen në shtëpitë e reja të ndërtuara. Me shumë durim do të evitojmë çdo gjë bashkë”, tha në lidhje me përvjetorin kryeministri shqiptar Edi Rama. Ai vuri në dukje po kështu se në momentin e vështirë Shqipëria ka kuptuar sesa miq ka - akoma në momentin e parë pas fatkeqësisë, por dhe më vonë, kur në konferencën ndërkombëtare donatore në Bruksel u mblodhën mbi 1 miliardë euro.

Ushtarakë turq morën dënime të përjetshme për orvatjet e tyre për grusht shteti në Turqi

Dënime të përjetshme morën nëpunës ushtarakë, të cilët kanë marrë pjesë në provën e pasuksesshme për grusht shteti në Turqi gjatë korrikut të vitit 2016. Për këtë njoftoi Radioja Kombëtare Bullgare. 337 oficerë dhe pilotë nga baza ajrore Akinci, mes të cilëve dhe këta , të cilët sulmuan parlamentin në Ankara në natën e puçit, do të mbeten në burg deri në fund të ditëve të veta. Gjatë natës së provës dhe të përpjekjes për grushte shteti u vranë 250 veta, kurse 2000 qenë të plagosur. Autoritetet turke akuzuan klerikun në mërgim Fethullah Gulen dhe organizatën e tij FETO për ngjarjet. Gulen dhe mbi 100 ndjekës së tij janë gjykuar në mungesë.

Më shumë se 20 mjekë-deputetë në parlamentin grek kanë shkuar për të punuar në vijën e parë në spitale

Mbi 20 mjekë grekë me specialitete të ndryshme, deputetë në parlament, kanë ikur nga karriget e veta prej deputeti, që të punojnë në spitale dhe të marrin përsipër një pjesë nga pesha e pandemisë nga koronavirusi. Për këtë njofton Agjencia Telegrafike Bullgare. I pari prej tyre qe mjeku pulmolog Giogros Lambroulis, nënkryetar i parlamentit dhe anëtar i partisë komuniste greke. Ditën e hënë ai kërkoi të lirohet përkohësisht nga detyrimet e veta, që të mund të punojë në klinikën e qytetit të tij të lindjes Larisa. “Tani duhet të jem mes kolegëve të mi mjekë dhe infermiere”, ka thënë Lamproulis, kurse deputetë të tjerë me arsim mjekësor kanë ndjekur shembullin e tij.

8 linja ajrore të huaja do të marrin subvencionime për të fluturuar deri në Slloveni

8 linja ajrore do të marrin subvencionime nga qeveria sllovene, që të zhvillojnë fluturime deri në Slloveni, transmetojë agjencia Tanjug. Sipas Lubjanës kjo është e rëndësishme për rivendosjen e lidhjeve të saj ajrore me aeroportet e mëdha evropiane, të ndërprera si pasojë e koronavirusit. Kompanitë e zgjedhura  janë Turkish Airlines, Wizz Air, Air Serbia,Airlines e Malit të Zi, Swiss Air,Lufthansa, Air France dhe LOT.

Franca do të ndërtojë metro në Beograd

Ministri serb i financave Siniša Mali dhe ministri i deleguar francez për tregtinë e jashtmeFranck Riesternënshkruan një marrëveshje për bashkëpunim mbi dy projekte të rëndësishme në Beograd - përmirësimin e efikasitetit energjetik në Serbi dhe ndërtimin e metrosë në Beograd, transmetoi Tanjug. Sipas ministres serbe të ndërtimit dhe të infrastrukturës Zorana Mihajlović, vlera e përgjithshme e ndërtimit të metrosë do të jetë 6 miliardë euro. Ajo do të ndërtohet nga Franca në bashkëpunim me firma kineze.

Përpiloi: Miglena Ivanova

Përgatiti në shqip: Nataniela Vasileva

Foto: BGNES dhe arkiv

Më shumë nga rubrika

Fillon proces gjyqësor kundër djegies së flamurit bullgar në Vevçani

Prokuroria në Strugë fillon proces pas njoftimeve në media për djegien e flamurit bullgar në një karnaval në Vevçani , njoftoi agjencia maqedonase e informacionit, cituar nga BTA. Procesi u ngrit për dëmtim të reputacionit të një vendi të..

botuar më 21-01-16 12.20.MD

Ngjarjet me adresë ballkanike

Integrimi i Shkupit në Bashkimin Evropian vetëm në mirëbesim Në Athinë ministri i jashtëm maqedonas Bujar Osmani u takua me homologun e tij grek Nikos Dendias . Ai u pranua dhe nga presidentja e Greqisë Katerina Sakelaropoulou dhe nga..

botuar më 21-01-15 2.28.MD

Reagim i ashpër i Bullgarisë ndaj sinjalit për djegien e një flamuri bullgar në Republikën e Maqedonisë së Veriut

Ministria e Punëve të Jashtme e Bullgarisë reagoi ashpër ndaj publikimeve në media për një flamur bullgar të djegur në Republikën e Maqedonisë së Veriut. Kjo ka ndodhur në fshatin Vevçani gjatë Karnavalit tradicional, i cili zhvillohet në..

rinovuar më 21-01-15 12.51.MD