Radioja Kombëtare Bullgare © 2021 Të gjitha të drejtat janë të rezervuara

Një projekt bullgar për monitorimin e ajrit fitoi çmim prestigjioz evropian

Foto: @EITJumpstarter

Një projekt për monitorimin dhe analizën e ajrit i bullgarëve Dimitar Rangellov, Stanisllav Dimitrov dhe Emill Kirilov, zuri vendin e tretë prestigjioz në kategorinë Urban Mobility ("Lëvizshmëria Urbane") në një nga garat më të mëdha evropiane EIT Jumpstarter 2020.

Projekti AIRIO, i përpunuar nga tre bullgarët në bazë të inteligjencës artificiale, fitoi edhe çmimin e publikut për startup më të mirë. Projekti i tyre është më efikas sesa sistemet ekzistuese të monitorimit të cilësisë së ajrit. Në stacionet e tanishme mbulimi i monitorimit arrin 17% dhe vetëm 20% e të dhënave analizohen. Për AIRIO treguesit janë përkatësisht 80% dhe 92%.

Modulet AIRIO mund të vendosen në ndërtesa ose automjete. Ato disponojnë sensorë të shumtë që matin nivelin e dyoksidit të karbonit, të dyoksidit të squfurit, të ozonit, të grimcave të imëta të pluhurit, zhurmës dhe një sërë treguesish të tjerë.

Përveç matjes së cilësisë së ajrit, sistemi mund të sigurojë gjithashtu informacion për trafikun rrugor përmes të dhënave të vendndodhjes së automjeteve. Duke matur zhurmën nga makinat përreth, ai gjithashtu mund të analizojë se ku ka bllokim të trafikut. Duke i krahasuar treguesit e trafikut me ata të ndotjes, AIRIO mund të gjejë edhe lidhjen midis këtyre fenomeneve. Sistemi mund të zbulojë dhe analizojë ndotjet industriale - si ato të përhershme, në rajonin e ndërmarrjeve të mëdha, ashtu edhe ato të rastësishme.

Prandaj sistemi mund të përdoret jo vetëm nga organet dhe institucionet shtetërore dhe bashkiake, por edhe nga rrethet shkencore dhe akademike. Është i përshtatshëm edhe për qendrat kërkimore në fushën e ekologjisë dhe për kompanitë private.

Përpiloi: Darina Grigorova

Përgatiti në shqip: Vesella Mançeva

Foto: @EITJumpstarter

Më shumë nga rubrika

Prof. Kostadin Angellov

Çdonjëri ka akses tek certifikata e vet për Covid-19

Ministri i Shëndetësisë prof. Kostadin Angellov paraqiti certifikatën për vaksinim kundër Covid-19. Çdo person i vaksinuar që ka nënshkrim elektronik mund të marrë certifikatën e vet elektronike dhe të ketë qasje në dosjen e tij të pacientit, vuri..

botuar më 21-01-19 12.27.MD
Gjeorgji Komsallov, Boris Kallajxhiev dhe Jasen Nedjallkov, themelues të punëtorisë së përbashkët

Punëtoria e parë e përbashkët në Sofje zbulon mundësi për ide krijuese

Ideja e mirë është e paçmuar, më në veçanti kur njeriu i përkushtohet asaj. Pavarësisht dhe me hapa të vegjël, ajo do të bëhet realitet dhe do t’u shërbejë njerëzve të tjerë në shoqëri. Mishërimi i një ideje praktike dhe shumë të dobishme është krijimi i..

botuar më 21-01-19 7.15.PD

2.8% e shpenzimeve për shëndet në Bullgari përdoren për profilaksi

Gjatë vitit 2018 shpenzimet mesatare shtetërore dhe private për profilaksi në BE janë 2.8% e të gjitha shpenzimeve për shëndet. Në bullgari treguesi është sa është niveli mesatar për BE-në – 2.8%, transmetoi BTA. Kjo përqindje është më e lartë në..

botuar më 21-01-18 4.49.MD