Për të 12-ën herë me radhë Komiteti Bullgar i Helsinkit dalloi personalitetet të cilët kanë luajtur një rol të rëndësishëm në dobi të të drejtave të njeriut, në mbrojtje të kafshëve ose të mjedisit gjatë 12 muajve të fundit. Ceremonia u mbajt në Ditën Ndërkombëtare të të Drejtave të Njeriut, por për shkak të pandemisë së Covid-19 - në internet. Kjo nuk i ndaloi të dekoruarit të rikujtojnë rëndësinë e kauzave të tyre, të cilave u kushtojnë shumë nga koha dhe energjia e tyre krejtësisht falas.
Sivjet juria shqyrtoi 70 nominime të 59 personaliteteve dhe organizatave. Prej tyre u seleksionuan 50, që të zgjidhen fituesit në kategoritë e ndryshme.
Çmimi “Njeriu i vitit 2020” iu dorëzua të gjithë punonjësve mjekësorë dhe vullnetarëve, të cilët luftojnë për shpëtimin e jetës së njerëzve në repartet Covid në tërë vendin.Në emrin e të gjithë mjekëve çmimin e morën dr. Aja Taha dhe dr. Sezen Habillov. Familja e re e anesteziologëve ishte ndër vullnetarët e parë në izolatorin e spitalit “Pirogov” në fillim të epidemisë te ne gjatë muajit mars.
“Për ne është një nder i madh që ta marrim këtë dekoratë, por deshëm të nënvizojmë se nuk kemi bërë një gjë kaq heroike” – tha sot dr. Sezen Habillov. “Jemi të sigurt se të gjithë kolegët do ta bënin këtë dhe gjatë epidemisë ne ishim dëshmitarë dhe po vazhdojmë ta shohim edhe sot se si ata punojnë 24 orë 7 ditë në javë. Kështu qe ky çmim është për ta. Një pjesë përbërëse e shpirtit të mjekut bullgar është ndenja e detyrës, përgjegjësisë dhe vetëmohimit.”
Në vend të dytë pas tyre u shpallën aktivistet e iniciativës civile “Për një spital të vërtetë për fëmijët”
Çmimi “Gazetar i vitit” iu dorëzua Maria Cëncarovës.
Ndërsa mbrojtës i vitit u shpall Ivan Burgov, i cili lufton aktivisht për të drejtat e njerëzve me çrregullime të të dëgjuarit te ne. Ai gjithashtu është koleg-gazetar, krijuesi i lajmeve të specializuara të cilat paraqiten në gjuhën e shenjave.
Çmimi “Aktivist i vitit” iu dorëzua Danita Zariçinovës nga shoqata “Për tokën” për shkak të aktivitetit të saj për kauza të ndryshme ekologjike dhe shoqërore në vend.
“Një nga qëllimet e këtyre çmimeve është të nxjerrë në pah njerëz dhe organizata që punojnë gjatë gjithë vitit për të mbështetur kauza dhe bashkësi të veçanta. Çmimi “Njeriu i Vitit” duhet të na motivojë të gjithë ne, që shikojmë nga mënjanë, për të bërë pak më shumë përpjekje për të mbështetur këtë lloj kauze dhe bashkësish, dhe t’i inkurajojë njerëzit të cilët e kanë bërë këtë deri tani që të vazhdojnë ta bëjnë edhe në të ardhmen," tha para BNR - Radio Sofja Nadezhda Cekullova, Drejtoresha e Fushatave dhe Komunikacioneve në Komitetin Bullgar të Helsinkit.
Përpiloi: Joan Kolev
Përgatiti në shqip: Vesella Mançeva
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të qershorit. Ekzaminimet u transmetuan nga mediat kryesore shqiptare, duke përfshirë Radio Televizionin..
Mitropoliti i Vidinit Daniill është patriku i ri bullgar. Ai u zgjodh me 69 vota kundër 66 për Mitropolitin e Vracës Grigorij. Kishte edhe tre fletë votime të pavlefshme. Mitropoliti Daniill - me emrin laik Atanas Trendafillov Nikollov, lindi në..
Më 30 qershor është mbledhur Këshilli Zgjedhor Patriarkal i Kishës, ku duhet të zgjidhet përfaqësuesi i Kishës Ortodokse Bullgare dhe Mitropoliti i Dioqezës Shpirtërore të Sofjes. Froni mbeti bosh më 13 mars, kur patriarku i ndjerë bullgar dhe mitropolit..
Java që kaloi ishte java e tretë e Shkollës Verore të Gjuhës dhe Kulturës Bullgarenë Tiranë. Kjo ishte dhe java e fundit e shkollës në ambientet e..
Donacionet dhe qëndrimi ndaj përparimit të shkencës dhe arsimit vendas janë lidhur me zhvillimin e arsimit të lartë në Bullgari. Falë shpirtit..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare,..