Ajo quhet Rita Sançes Jordanova, por që të gjithë në qytetin Kozlloduj e thërrasin Filipina . Do të thoni përse? Sepse është filipinasja e vetme në qytet. Përveç kësaj është e re, e bukur, me flokë të gjata deri në brez dhe shumë kureshtare. Ajo kërkon që të njohë sa më mirë atdheun e vet të ri. Madje ka bërë dhe një vlog në të cilin poston video nga përjetimet e saj në Bullgari.
Filipina mbërrin këtu përpara dy vjetëve, bashkë me bashkëshortin e saj i cili është bullgar. Ajo tregon për përshtypjet e saj të para: “Qe vjeshtë, kurse Filipinet janë një vend tropik, ne kemi 4 stinë. Dhe çdo gjë më pëlqeu shumë! Natyra, shtëpitë, kishat qenë tamam të tilla siç i kujtoja nga filmat e fëmijëve. Dhe i thash vetes – ky është një vend i shkëlqyer!” Sot Filipina flet një gjuhë bullgare relativisht të mirë, jeton në Kozlloduj, dhe i pëlqen të bëjë shëtitje buzë lumit Danub dhe madje udhëton vetëm nëpër vend . “Më pëlqen shumë të vërej njerëzit në tren sesi lexojnë libra. Kjo nuk është e zakonshme për ne filipinasit . E, kuptohet rrugët tuaja nuk janë të mira, por njerëzit janë miqësorë. Gjithë më pyesin, duan të mësojnë dhe të dëgjojnë historinë time.” Kurse jeta e saj , përpara se të vijë këtu, nuk ka qenë fare “si këngë”, thotë ajo.
“Nuk më pëlqen qëndrimi negativ i bullgarëve. Disa njerëz nuk ndihen të lumtur se jetojnë në Bullgari. Ata më thonë: “Ti çfarë bën këtu, ke një shtet të shkëlqyer. Përse nuk niseni me burrin për në ndonjë vend tjetër, do të jetoni më mirë”. Por këta njerëz fare nuk dinë sesi kam jetuar unë në Filipinet - thotë Filipina. Kjo të jesh në një vend të përmbushur me njerëz, ku ajri është i pisët, më në veçanti në Manila, është e padurueshme! Po, dihet se çdo një ka fatin dhe qëllimet e veta, por disa mendojnë se kur kanë këpucë të shtrenjta të markave të njohura janë shumë më të lumtur se të tjerët. Por, për mua të kesh çati mbi kokë dhe bukë në tavolinë janë gjërat të cilat më përmbushin me falënderim çdo ditë” – thotë ajo.
Kurse krahasimet midis bullgarëve dhe filipinëve janë të pashmangshme Ju jeni shumë njerëz të pavarur! Këtu kur bëhesh adoleshent, mund të ndahesh nga prindërit dhe të marrësh vet vendime. Kultura jonë është e orientuar krejtësisht ndaj familjes. Ti gjithmonë merr parasysh mendimin e njerëzve të afërt, edhe në një moshë më të vonë”. Përveç kësaj në sytë e Filipinës ne bullgarët jemi shumë punëdashës dhe njerëz shumë të denjë. “Ju vazhdimisht merreni me diçka dhe ju pëlqen të udhëtoni, prandaj jeni dhe gjithmonë të zënë”. Kjo, sipas saj, sqaron faktin se kur ulemi në tavolinë, bëhemi më llafazanë. Tek ata nuk është e pranuar që të flasësh derisa ha bukë. “Thjesht vetëm atëherë ju mbetet kohë për komunikim“ – bën konkluzion Filipina.
Përveç se është blogere, filipinasja e bukur gatuan shumë mirë. Ajo pohon se është një adhuruese e madhe e kuzhinës bullgare. Bën byrek dhe qofte të shkëlqyera, vet bën ljutenicën /një lloj salce me speca dhe domate/ dhe zë kosin. I pëlqejnë merudhitë tona, si shtërmeni /çubrica/ dhe kimioni, të cilat nuk i ka në Filipinet. Gjithësesi cili është përjetimi më i paharrueshëm për të nga Bullgaria?
“Përjetimi më emocionues këtu është dëbora! Afrimi im i parë më dëborën! Sepse unë kalova 30 vjet nga jeta ime në një vend tropik. Tek ne njerëzit udhëtojnë deri në Kore ose në Japoni vetëm që të mund të shikojnë dëborën. Por unë nuk e pata këtë mundësi. Kështu që këtu, në Bullgari, përjetova diçka të cilën nuk mund ta përshkruaj.”
Përgatiti në shqip: Nataniela Vasileva
Foto: Filipina Jordanova
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Nxënësit e tri shkollave bullgare në Itali krijuan atlasin e parë të këtij lloji për vëllezërit e shenjtë Kirill dhe Metodij . Projekti realizohet në kuadër të Programit Kombëtar "Histori të patreguara të bullgarëve" të Ministrisë së Arsimit,..