Në fund të shfaqjes tradicionale të bamirësisë "Krishtlindjet Bullgare", donacionet arritën afro 700 mijë euro. Në mbrëmjen festive të Krishtlindjes, edicioni i 18 i nismës, nën patronazhin e Presidentit të Republikës, u transmetua drejtpërdrejt në Radion Kombëtare Bullgare dhe Televizionin Kombëtar Bullgar. Qëllimi i iniciativës “Krishtlindjet Bullgare” është që të grumbullojë mjete për mjekimin dhe rehabilitimin e qindra fëmijëve bullgarë me sëmundje të ndryshme. Sivjet fushata është me moton “Së bashku për fëmijët me sëmundje kronike – le të bëhet shpresa realitet”.

Edicioni i 18 i iniciativës “Krishtlindjet Bullgare” do të vazhdojë deri në fund të nëntorit të vitit 2021.

Edicioni i mëparshëm i 17-të i "Krishtlindjeve Bullgare" mblodhi gati 2.5 milion leva nga donacionet. Fondet u përdorën për të mbështetur trajtimin e 500 fëmijëve me sëmundje të rënda dhe 15 institucione mjekësore në vend morën pajisje mjekësore.