Më 18 janar, një ditë pas Ditës së Shën Andonit, Kisha Ortodokse Bullgare nderon kujtesën e Shën Thanasit të Madh. Ai ka lindur gjatë vitit 295 pas Krishtit në kryeqytetin e Egjiptit Aleksandria. Në moshën 24 vjeçare është shuguruar dhjak nga kryepeshkopi i Aleksandrisë Aleksandër, pas vdekjes së të cilit njëzëri është zgjedhur nga të krishterët zëvendës i tij në Aleksandria.”
Sipas të dhënave që disponojmë Shën Thanasi ka marrë pjesë në një tubim të madh kishtar të thirrur nga bijtë e Kostandinit të Madh në vitin 343-344 në Serdikë (Sofjen e sotme). Supozohet se tubimi është zhvilluar në bazilikën e vjetër “Shën Sofja”, pranë së cilës shekuj më vonë është themeluar tempulli-monument “Shën Aleksandër Nevski”.
Kur vjen Dita e Thanasit , vjen edhe pranvera” – thonë bullgarët. Në përfytyrimet popullore Shën Thanasi sundon mbi acaret e dimrit, mbi akujt dhe dëborën. Dita e Shën Thanasit si edhe Dita e Shën Andonit nderohen si festa të farkëtarëve.
Sipas disa burimeve Shën Thanasi është themelues i manastirit në fshatin Zllatna Livada të rrethit të Çirpanit, i cili është i njohur si më i vjetri funksionues në Evropë.
Flitet se pikërisht ky është vendi, ku Shën Thanasi ka komunikuar me Zotin. Më shumë hollësi për këtë vend të shenjtë mund të lexoni në artikullin nga koleksioni i Radio Bullgarisë “Manastiri i Çirpanit “Shën Thanasi” – më i vjetri në Evropë”
Në ditën e dytë pas Pashkëve, fillon Java e Ndritshme - e quajtur kështu sepse Ringjallja e Jezu Krishtit simbolizon ndriçimin. Në të, Kisha Ortodokse lavdëron Apostujt e Shenjtë dhe Nënën e Shenjtë të Zotit. Këto shtatë ditë sjellin ndriçim dhe..
Kisha Ortodokse Bullgare nderon sot Shën Gjergjin Fitimtar - një nga martirët e parë për besimin. Ai jetoi në kohën e perandorit romak Dioklecian dhe iu bashkua ushtrisë si adoleshent. Vetëm 20 vjeç u bë anëtar i këshillit shtetëror. Kur..
Lojërat ku personazhi kryesor është veza, ndoshta nuk janë shumë. Në Gjermani, për shembull, për Pashkë, familjet vizitojnë tempullin, dhe më pas fëmijët kërkojnë vezë në kopsht, të fshehura nga lepurushi i Pashkëve - një simbol i pjellorisë. Megjithatë,..
Më 25 korrik, Kisha Ortodokse Bullgare nderon Fjetjen e Anës - shenjtores që lindi Marinë, e cila është nëna e ardhshme e Jezu Krishtit. Shën Anna..