Drejtori i ri i Agjencisë Telegrafike Bullgare (BTA) Kirill Vëllçev ripohoi se në përputhje me konceptin e vet do të parashtrojë kërkesa për ndryshime në Ligjin për BTA, që të sigurohet akses falas tek informacioni i Agjencisë.

BTA është media e vetme shtetërore, për informacionin e së cilës duhet të paguhet. Në një intervistë për BNR Vëllçev vuri në dukjes se është absurde që institucionet shtetërore të paguajnë, që të marrin informacion nga një media shtetërore. Është absurde që ambasadat e huaja të paguajnë për informacionin e BTA-së në gjuhën angleze, që të kuptojnë se çfarë ndodh në Bullgari. Për ne është me rëndësi që të jemi të pranishëm në botë”, tha gjithashtu drejtori i ri i agjencisë.

“Para gënjeshtrës së shpejtë preferoj të vërtetën e vonuar” – iu përgjigj drejtori i ri një pyetjeje të drejtueses së BNR-së sa i përket vonimit të vogël të përhapjes së informacionit të BTA-së.