Çdo vit në Bullgari lindin para kohe afro 6 mijë bebe, ose rreth 10% nga bebet e porsalindur në vend. Për shumicën e njerëzve, pamja e bebes së parakohshme është tmerruese, por për prindërit këto janë qeniet më të bukura, më ledhatuese e të vegjël , për të cilët jeta fillon me një dozë mjaft të madhe të luftës. Në këtë luftë për të shpëtuar marrin pjesë që të gjithë - dhe heronjtë e vegjël, dhe specialistët në pavijonet e neonatologjisë dhe familjet, përpara të cilave pyetjet, frikët dhe shpresat janë pafund.
Tamam përpara një viti, gjatë muajit shkurt, lind një ide për përkrahjen e prindërve me fëmijë të lindur para kohe. Bëhet fjalë për një iniciativë vullnetare, në sajë të së cilës të gjithë të përfshirë në problemet e bebeve të lindur para kohe mund të shpreh përkrahjen e vet nën formën e një gjesti të vogël ndaj familjeve të tyre. Organizator i fushatës është Fondacioni “Fëmijët tanë të lindur para kohe”.
“Ideja qe të mbledhim 750 verore, siç ishin lindjet e parashikuara përpara kohe në pavijonet e neonatologjisë, tregon Monika Zllatanova nga Fondacioni “Fëmijët tanë të lindur para kohe”. Për befasinë tonë më të madhe, veroret e mbledhura qenë shumë më tepër - 1300 copë. Atëherë i gjithë ky entuziazëm, i cili na pati pushtuar na bëri ta përsërisim iniciativën dhe sivjet. Entuziazmi na qe shkaktuar dhe nga fakti se që të gjithë e pranuan shumë personalisht kauzën.”
Ideja për veroret nuk është e rastit. Në fijet e tyre janë gërshetuar thirrje dhe urime për shëndet, ngrohtësi dhe urim për mirëqenie. Përveç se janë një tradite dhe pjesë nga folklori bullgar, fijet e bardha e të kuqe janë paralajmërueset e jetës së re e cila do të lindë si dhe shpresë për një të ardhme më të ndritshme. Kurse kur janë të përmbushura me dashurinë dhe uratat e atyre, të cilat i punojnë, veroret dhurojnë buzëqeshje, ngrohin zemrat dhe frymëzojnë me një besim në të mirën:
“Në fakt kërkesat nuk janë të shumta - vazhdon Monika Zllatanova. Ia kemi lënë imagjinatën e vullnetarëve të punojë me një forcë të plotë. Nuk kërkohet asgjë më tepër se duar të arta dhe materiale për punimin e tyre. Ideja është që ato të mos të jenë byzylykë, por më të mëdha si Pizho dhe Penda. Mund të jenë në madhësi të ndryshme. Kur i marrim ne ua varim kartolinave të posaçme, të cilat i kemi punuar. Në anën e prapme të kartolinës shkruajmë emrin e njeriut, i cili i ka punuar. Kjo me të vërtetë është diçka shumë personale. Kështu familjet e fëmijëve në neonatologji dinë se ndokush mendon për ta në këtë moment dhe i përkrah.”
Në rast se mblidhen më shumë verore, copat e tepërta do të shpallen për një shitje me karakter bamirës në përkrahje të veprimtarive në Fondacion.
Përpiloi: Darina Grigorova /Në bazë të intervistës së Veselina Millanovës, RKB-Programi “Horizont”/
Përgatiti në shqip: Nataniela Vasileva
Foto: Fondacioni “Fëmijët tanë të lindur para kohe” dhe arkiv
Në një seri materialesh do t'ju tregojmë për vizat që kërkohen për qëndrim dhe kalim tranzit përmes Bullgarisë, si dhe për qytetarët e të cilave shtete kanë nevojë për to. Siç dihet, nga 31 mars 2024, Bullgaria është pjesë e zonës Shengen nga ajri dhe..
Shoqata Bullgare për Mbrojtjen e Zogjve njoftoi mbarështimin e parë të suksesshëm të një shkabe egjiptiane në natyrë në vendin tonë. Zogu konsiderohet si specia më e rrezikuar në Gadishullin Ballkanik. Zogu femër, i quajtur Izi, u çel dhe u rrit..
Qyteti danubian i Tutrakanit mbledh prodhuesit e kajsive të rajonit për festën tradicionale "Tutrakan - Kryeqyteti i Kajsisë". Adhuruesit e frutit të shijshëm takohen të dielën për të 20-tin vit radhazi. Siç e dikton tradita, do të prezantohen..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare,..
Një nga shkollat e larta në vendin tonë që ofron specialitete me mundësi studimi në frëngjisht është Universiteti i Ri Bullgar (NBU). Ndër tyre janë..