Ministria bullgare e Punëve të Jashtme ia dërgoi BNR-së certifikatën e vdekjes të Atanas Skatovit, i cili vdiq duke rënë nën majën K2 në malin Karakorum, Pakistan. Në dokumentin e lëshuar nga autoritetet në krahinën Gilgit-Balistan dhe spitali në qytetin Skardu thuhet se shkaku i vdekjes së alpinistit bullgar është një traumë e kokës, fraktura të shumta dhe humbje e madhe e gjakut dhe se aksidenti është shkaktuar nga thyerja e litarit të sigurisë.

Menjëherë pas lajmit të incidentit u përhap njoftimi i një organizate alpinistike pakistaneze, në të cilën përmendet se shkaku i vdekjes është një litar i thyer, por organizatori i ekspeditës Seven Summit Treks e mohoi këtë informacion dhe njoftoi se ndoshta bëhet fjalë për një gabim gjatë kalimit nga njëri litar në tjetrin.