Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

92 vjet speleologjia e organizuar në Bullgari

Foto: Federata Bullgare e Speleologjisë

Më 18 mars të vitit 1929 u vu fillimi i speleologjisë në Bullgari. Që nga viti 1975 e deri më sot speleologët bullgarë plotësojnë Kartotekën e Shpellave Bullgare, ku janë të mbledhur të dhëna dhe harta të më se 6000 shpella të studiuara.

“Në kushtet e pandemisë së koronavirusit, është sikur të kemi harruar datën e themelimit të lëvizjes së organizuar të shpeleologëve në vend, por le të kthehemi në histori, sepse ajo nuk fillon me ne!” - shkruan speleologët nga Shoqata Bullgare të Shpeleologëve në faqen e tyre në internet. Aty ata përshkruajnë gjithashtu “kënaqësinë që përjeton dikush në soditjen e bukurive nëntokësore të shpellave”, por shtojnë se kjo nuk është forca e vetme tërheqëse që të bëhet njeriu speleolog.

Shpellat ende fshehin “njolla të bardha në planet”, ku askush nuk ka shkelur ende. Ata janë gjithashtu streha e fundit për romantikët që kërkojnë vende të paprekura, të pastra dhe të qeta në natyrë. Për njerëzit me frymë hulumtimi, speleologjia është një aktivitet ku zbulimet janë akoma të mundshme. Ja se si në vitin 1937 Dimitër Tishin - një nga guxuesit e parë që depërtoi në shpellat në vendin tonë, përshkruan hyrjen e tij në "Su battë" - një shpellë me thellësi prej 58 metra afërqytetit Kotell, ku toka fsheh ujërat e pastra të një rrjedhe mali:

“Uji më vërshoi. Vetëm koka ime mbeti mbi ujë. Po merrja frymë vështirë. Unë shkova përpara me kujdes. Hyra në një sallë të madhe të errët dhe, o mrekulli! Tavani dhe muret ishin të zbukuruar me stalaktite dhe stalagmite të paprekura. Dukej se sikur dhjetëra skulptorë më të aftë të punonin këtu .... ”

Sot speleologjia në Bullgari zhvillohet me ritme më të shpejta sesa në gjithë Gadishullin Ballkanik. Vendi ynë ka një rol të rëndësishëm në fushën e shpëtimit të shpellave. “Në disa zona, speleologjia bullgare po udhëheq jo vetëm në nivel rajonal por edhe në të botëror”, mendon Doc. Javor Shopov, President i Federatës Bullgare të Speleologjisë.

Speleologët e konsiderojnë veten njerëz të një lloji të veçantë, dashuria e tyre për bukurinë e shpellave të paarritshme nuk njeh kufij. Dimitër Paunov është një adhurues i shpellave me përvojë shumëvjeçare. Ai është ish anëtar i Klubit të Speleologjisë “Aleko Konstantinov” në Sofje. Ai tregon për punën e vështirë, por magjepsëse të speleologëve. Intervistën me të mund të lexoni KËTU

Përpilues: Gergana Mançeva

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Festivali i figurave prej rëre fillon në qytetin bregdetar Burgas

Festivali i figurave të rërës rikthehet për të 17-ën verë radhazi në qytetin bregdetar Burgas. Ai do të hapë dyert për vizitorët më 5 korrik në parkun “Liqeni”, njoftoi BTA. Një shfaqje të veçantë me rastin e hapjes do të prezantojnë Shkolla e Baletit..

botuar më 24-07-05 9.01.PD

Në Shqipëri ka mbi 7 mijë bullgarë

Popullsia bullgare në Shqipëri është 7057 persona – 3691 burra dhe 3366 gra. Kjo duket qartë nga një njoftim i Institutit Kombëtar të Statistikave INSTAT, cituar nga BGNES. Kjo e vendos komunitetin bullgar në vendin e tretë në Shqipëri pas minoriteteve..

botuar më 24-06-28 5.31.MD

Kampet romake dhe lojërat e gladiatorëve në Festivalin e Trashëgimisë së Lashtë të Shqiponjës së Danubit

Edicioni i 18-të i Festivalit të Trashëgimisë së Lashtë "Shqiponja e Danubit" do të mbahet nga 14 deri më 16 qershor në dy vende në rajonin e qytetit Pleven - në koloninë Ulpia Escus afër fshatit Gigen dhe në kalanë romake "Ad Putea" afër fshatit..

botuar më 24-06-14 6.45.PD