Emri i vjetër i fshatit ishte Ajllan Kajrjak. Ai shtrihet në jug të qytetit Burgas në rrëzat e malit Strhaxha. Njihet me foletë e shumta të lejlekëve, si dhe me .... pasardhësit bullgarë të Tolstoit. Në tetor të vitit 1906 këtu një grup entuziastësh formoi komunën e famshme të pasardhësve të Tolstoit. Të gjithë ata ishin ithtarë të filozofisë së shkrimtarit rus Lev Nikollaeviç Tolstoj, i cili predikonte që t’i mos rezistohet të keqes me dhunë në emër të një jete të re më të lirë.

Supozohet se në fund të jetës shkrimtari me famë botërore dhe humanist nisi nga Jasna Poljana, fshati i tij në Rusi bashkë me mjekun e tij për në Bullgari për të takuar me pasardhësit e tij. Mirëpo, gjatë rrugës ai mori një të ftohtë dhe vdiq.

Kolonia në afërsi të bregdetit bullgar u shpërnda në tetor të vitit 1908, por lëri mbresa të thella te banorët e fshatit. Kur në vitin 1934 lindi pyetja për riemërimin e fshatit me një emër bullgar, ai u emërua me vendlindjen e Lev Tolstoit – Jasna Poljana. Sot këtu ka një ekspozitë interesante muzeore, kushtuar komunës së pasardhësve të Tolstoit dhe mësuesit të tyre. Më shumë mbi këtë temë mund të lexoni në materialin “Pasardhësit e Tolstoit nga komuna e fshatit Jasna Poljana” nga koleksioni i Radio Bullgarisë.

Përpilues: Veneta Nikollova

Përgatiti në shqip: Svetllana Dimitrova

Ekspozita muzeore “Jasna Poljana Bullgare”