Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Covid-19 në Bullgari: Dita e 383

| rinovuar më 21-03-25 6.11.MD
Foto: arkiv

Vala e tretë e koronavirusit prek të rinjtë, gratë shtatzëna dhe familje të tëra
Familje të tëra, shumë nënë dhe gra me barrë janë të sëmura me koronavirus si dhe shumë njerëz të rinj gjenden në spital, njoftoi në brifingun e rregullt të autoriteteve shëndetësore ministri i shëndetësisë profesori Kostadin Angjellov. Sipas fjalëve të tij, vala e tretë  e Covid-19, nuk i përngjan fare valës së dytë, por vendi ynë do të dalë me sukses prej saj. Ministri bindi se, spitalet janë të përgatitura - për më tepër për faktin, se shumë nga mjekët janë të vaksinuar dhe nuk ka një mangësi tek mjekët.

 
Një numër rekord i të infektuarve dhe i të vdekurve nga Covid-19
Për një javë numri i të sëmurëve me koronavirus është rritur me 23për qind, kurse i të vdekurve me 5 për qind, informoi gjenerali Vencisllav Mutafçijski, shef i Shtabit Operativ Kombëtar. Ai saktësoi se, referencat janë rekorde - 661 në 100 mijë veta në këtë moment janë me Covid-19, kurse 20 në 100 mijë veta po e humbasin jetën për shkak të sëmundjes. Në të njëjtën kohë, zënia e shtretërve në spitale për pacientë  pa komplikime u rrit me 17për qind, kurse në repartet intensive - me 22për qind. Kështu  69 për qind nga vendet për njerëz në gjendje më të lehtë nëpër spitale janë të zëna, si dhe 70 për qind për pacientët të cilët janë në kujdes intensiv.


25.6 për qind e mostrave të koronavirusit janë pozitive
4375 janë rastet e reja të koronavirusit në Bullgari gjatë 24 orëve të fundit. Kjo përbën 25.55 për qind e 17 120 testeve të kryera, sipas të dhënave të Portalit të Unifikuar të Informacionit në mesnatë.
Shumica janë regjistruar rishtazi me infeksionin në Sofje - 1105, ndjekur nga Plovdiv - 367, Burgas - 364 dhe Varna - 362.
Tashmë janë 9125 pacientë të shtruar në spital me Covid-19, nga të cilët 743 janë në njësitë e kujdesit intensiv.
106 njerëz vdiqën nga koronavirus në 24 orë, 2709 u shëruan.
401 309 vaksina u bënë në vend. Numri  i përgjithshëm i njerëzve të vaksinuar me dozën e dytë është 79 977.

 
Lehtësuan regjimin për dyqanet jo-ushqimore, por vetëm për disa orë
Disa orë pasi Ministri i Ekonomisë Laçezar Borisov njoftoi udhëzimet për të riorganizuar funksionimin e dyqaneve të mëdha jo-ushqimore në mënyrë që ata të mund të funksiononin përsëri, u njoftua se ky lehtësim do të hiqej. Në brifingun e rregullt, u njoftua se dyqanet jo-ushqimore do të ishin në gjendje të rinisnin punën e tyre duke kufizuar sipërfaqen e tyre në 300 metra katrorë. Pësoi një reagim të ashpër nga pronarët e restoranteve, të cilët këmbëngulën të hapnin vendet e tyre në të njëjtat kushte. Në pasditen e vonë sot, megjithatë, shërbimi i shtypit pranë Ministrisë së Ekonomisë njoftoi se me urdhër të Kryeministrit Bojko Borisov dhe në përputhje me barazinë midis degave të ndryshme, si dhe për shkak të skadimit pas vetëm 6 ditësh të masave shtrënguese, Ministri i Ekonomisë revokoi udhëzimet e lëshuara më herët sot.


Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.



Përpiloi: Diana Cankova dhe Ekipi "Lajme"
Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Georgi Tahov

Bullgaria është një vend partner i ekspozitës bujqësore "Agra" në Slloveni

Për herë të parë Bullgaria është një vend partner i Ekspozitës Ndërkombëtare për Bujqësi dhe Produkte Ushqimore “Agra 2024” në Gornja Radgona, Slloveni, e cila do të mbahet nga 24 deri më 29 gusht 2024. Në hapje do të marrë pjesë edhe ministri..

botuar më 24-08-22 3.18.MD
Presidenti Rumen Radev (djathtas) me kryeministrin në detyrë Dimitër Gllavçev

Deri të hënën, kryeministri në detyrë duhet të paraqesë një përbërje të re të kabinetit

Presidenti Rumen Radev ngarkoi kryeministrin në detyrë Dimitër Gllavçev që të propozojë përbërjen e re të qeverisë së përkohshme. "Kriza në një institucion nuk shuhet me ndezjen e zjarrit në një tjetër. Duhet të propozoni me kujdes ndryshime..

botuar më 24-08-22 1.16.MD
Pamje nga vendpushimi Sllënçev Brjag

Punëtorët aziatikë filluan të zhdukeshin dhe të iknin nga hotelet përgjatë Detit të Zi

Ekziston një kanal për transferimin e punëtorëve në Evropën Perëndimore, tha nënkryetari i Shoqatës Bullgare të Hotelerisë dhe Restoranteve Veselin Nallbantov. Hotelet përgjatë bregdetit bullgar të Detit të Zi raportuan se punëtorët sezonalë nga..

botuar më 24-08-22 10.46.PD