Programi i ditës
Radioja Kombëtare Bullgare © 2022 Të gjitha të drejtat janë të rezervuara

"Graf Ignatievo" – shtëpia e aviacionit luftarak

Gjenerali i brigadës Nikollaj Rusev: Besoj se puna mbi ringjalljen e Aviacionit Luftarak Bullgar do të realizohet deri në fund

7
Foto: arkiv

6 maji është dita e trimërisë dhe festa e ushtrisë bullgare. Mirëpo, për të dytin vit radhazi pandemia Covid-19 prishi një traditë që daton që në vitin 1993. Megjithatë, do të zhvillohet një demonstratë e fuqisë ushtarake, edhe pse pa publik. Në ditën e Shën Gjergji Fitimprurësit Forcat Tokësore, Forcat Ajrore dhe ato Detare dhe Komanda e Përbashkët e Operacioneve Speciale në garnizone të ndryshme në vend (Kazanllëk, Varna, në poligonin Crënça dhe në bazën ajrore "Graf Ignatievo") do të demonstrojnë aftësitë e tyre luftarake. Rituali solemn i bekimit të flamujve luftarakë dhe i flamujve të shenjtë do të zhvillohet përpara Monumentit të Luftëtarit të Panjohur në kryeqytet.

Në qiellin mbi Sofje do të fluturojnë avionë të Forcave Ushtarake-Ajrore. Avio baza "Graf Ignatievo", ku është bazuar një pjesë e teknikës së aviacionit të vendit tonë, sivjet feston 70 vjet prej krijimit të vet.

Komandanti i saj, gjenerali i brigadës Nikollaj Rusev, vuri në dukje para Radio Bullgarisë:

"Si ditëlindje e bazës konsiderohet 17 maji 1951, kur në territorin e aeroportit u formua Regjimenti i 19 luftarak i aviacionit, i cili është prototipi i bazës sonë ajrore sot. "

Aviacioni luftarak ka një traditë solide, ndërsa pilotët Radull Millkov dhe Prodan Tarakçiev realizuan fluturimin e parë luftarak në Evropë më 16 tetor 1912.

Forcat Ushtarake-Ajrore kanë detyrën ta garantojnë sovranitetin e Bullgarisë. Pilotët gjenden në një gatishmëri të përhershme për të reaguar në çdo një situatë të jashtëzakonshme me karakter joushtarak – zjarr, transportimi urgjent i qytetarëve të plagosur, ose të sëmurë rëndë etj. Pikërisht për këtë shkak modernizimi i tyre është me rëndësi kyçe. Megjithëse në fillim të këtij mijëvjeçari aeroporti afër fshatit Graf Ignatievo të Plovidivit ishte një nga më modernet në Gadishullin Ballkanik, tani ushtarakët atje po përgatiten për një remont të ri. Ai është motivuar me furnizimin e pritur të avionëve luftarakë F-16 Block 70, shtëpia e të cilave do të jetë objekti ushtarak.

F-16 Block 70

"Do të ndërtojmë një zonë të re të veçantë që do të përdoret për ruajtjen dhe funksionimin e avionëve F-16, do të rinovojmë infrastrukturën aktuale, por gjithashtu do të ndërtojmë një të re. Rinovimi i plotë i avio bazës duhet të bëhet deri në mesin e vitit 2023, pas së cilës do të jemi gati të pranojmë aeroplanin e ri, "shpjegoi gjenerali i brigadës Nikollaj Rusev.

Sipas fjalëve të komandantit, trajnimi i pilotëve tashmë është duke u zhvilluar:

"Sipas një kontrate me qeverinë e SHBA, ne duhet të trajnojmë 12 pilotë me opsionin për stërvitjen e akoma dy pilotëve të tjerë. Vitin e kaluar katër pilotë u larguan dhe tashmë janë duke u përgatitur. Kështu, kur pilotët e parë të kthehen në vitin 2023, ata do të vazhdojnë trajnimin e tyre në vendin tonë në avionët tashmë të ardhur F-16 Block 70. Në verë pritet të dërgojmë edhe dy pilotë dhe kështu gjithsej gjashtë pilotë do të trajnohen në SHBA, ndërsa të tjerët do të largohen në vitin 2022. "

Në përfundim, komandanti i bazës ajrore "Graf Ignatievo" i falënderoi ushtarakët e udhëhequr nga ai, të cilët e zbatojmë me vendosmëri betimin e tyre duke e vendosur në vend të parë shërbimin ndaj Atdheut. Gjenerali i brigadës Nikollaj Rusev shprehu shpresën se puna për ringjalljen e Forcave Ajrore Bullgare do të realizohet deri në fund .

Përgatiti në shqip: Vesella Mançeva

Foto: BGNES, grafportal.org, pan.bg dhe arkiv

Më shumë nga rubrika

Në Maqedoninë e Veriut votojnë nën hijen e fushatës mediatike antibullgare

Sajti informativ "Tribuna" njoftoi për Radio Bullgarinë se pjesëmarrja e votuesve në seksionin në Ambasadën Bullgare në Shkup është e krahasueshme me atë të votimit të fundit parlamentar në nëntor 2021. Në kryeqytetin maqedonas nuk ka persona me..

botuar më 22-10-02 7.43.MD
Seksioni zgjedhor në Durrës

Një numër rekord seksionesh zgjedhore edhe në Shqipëri - 5

Një seksion më shumë është në dispozicion për qytetarët bullgarë në Shqipëri, krahasuar me votimin e fundit të parakohshëm në nëntor. “Sot është një ditë e bukur me diell dhe seksionet u hapën në ditën e zgjedhjeve në kohën e caktuar. Procesi..

botuar më 22-10-02 6.19.MD

Kalina Pançeva, Shtutgart: Votoj për stabilitet politik, pasi kohët janë jashtëzakonisht të paqëndrueshme

Bullgarët në Gjermani, veçanërisht në Shtutgart, shfaqën aktivitet më të ulët ditën e zgjedhjeve, krahasuar me zgjedhjet e vitit të kaluar. Sipas të dhënave jozyrtare të komunitetit bullgar, rreth 14 000 bashkatdhetarë tanë jetojnë përherë në..

botuar më 22-10-02 5.20.MD