Për më shumë se një vit gati 1300 njerëz merrnin ushqim falas çdo muaj pranë harkut të Spitalit Aleksandrovska në Sofje. “Ideja kryesore ishte të mblidheshin njerëz të gatshëm për të ndihmuar të moshuarit e sëmurë dhe të vetmuar”, tha Dejan Petrov, një nga iniciatorët. Vullnetarët filluan ta realizojnë idenë e tyre vitin e kaluar Ditën e Ungjillëzimit të Hyjlindëses falë njerëzve që gatuajnë në shtëpitë e tyre si dhe restoranteve. Dhe sot ata ëndërrojnë të marrin një kamion të vogël për të ruajtur ushqime të nxehta. Për këtë qëllim, organizatorët e veprimtarisë “Kamion për Ushqim të Nxehtë” kanë vendosur një kuti dhurimesh pranë kishës së spitalit.