Radioja Kombëtare Bullgare © 2021 Të gjitha të drejtat janë të rezervuara

Këngë për Botevin

Foto: RKB-arkiv

Revolucionar, poet, gazetar, botues, gjatë jetës së vet të shkurtër Hristo Botev krijoi rreth 20 vjershash. Megjithëqë krijimtaria e tij nuk është e madhe për nga vëllimi edhe më sot ajo konsiderohet një majë në letërsinë bullgare. Emocionuese dhe prekëse janë vargjet e shkruara prej tij kur u trondit nga varja e Vasill Levskit. Shumë shpejtë ato u kthyen në një këngë që akoma interpretohet në kujtim të Apostullit të Lirisë. Popullaritet të madh ka edhe balada “Haxhi Dimitër” në të cilën lavdërohet trimëria e këtij luftëtari që sakrifikoi jetën për çlirimin kombëtar. Kjo baladë e kthyer në këngë gjithashtu perceptohet si një simbol i respektit dhe mirënjohjes ndaj heronjve bullgarë. Në variantin e saj instrumental, në interpretim të korit ose të solistëve, kënga “Haxhi Dimitër” është pjesë e pandarë e ceremonive solemne më 2 qershor.

Shumë prej vjershave të poetit revolucionar Hristo Botev filluan të këndohen shpejtë pas krijimit të tyre. Në shekullin e XX Aleksandër Rajçev, Aleksandër Tanev, Simeon Pironkov dhe një sërë kompozitorësh të tjerë të njohur bullgarë kompozouan vepra të tyre vokal-instrumentale mbi krijimet e heroit tonë kombëtar.

Vepra e parë e frymëzuar nga trimëria e Botevit dhe e çetës së tij u krijua para 145 vjetësh – më 20 maj të vitit 1877, disa ditë pasi revolucionari vuri këmbë në bregun bullgar të Danubit. Vjersha titullohet “Radecki”, por bëhet më e njohur si “Danubi i qetë dhe i bardhë”. Autor është patriku i letërsisë bullgare Ivan Vazov. Në kujtimet e tij ai shkruan: “Të gjithë ishin të ngazëlluar, detajet për veprën e guximshme dhe në dukje legjendare, transmetoheshin me gojë nga goja. I impresionuar nga kjo ngjarje, unë shkrova vjershën time “Danubi i qetë dhe i bardhë”, i cili shumë shpejt fitoi një popullaritet të madh dhe u kthye në një këngë...”

Muzeu-anije “Radecki”

Më shumë fakte interesante rreth këngës kushtuar Botevit do të lexoni në botimin e Radio Bullgarisë “Historia e këngës “Danubi i qetë dhe i bardhë”.

Përpilues: Allbena Bezovska

Përgatiti në shqip: Svetllana Dimitrova


Më shumë nga rubrika

Fshati i vjetër Dobërsko fsheh befasime edhe për turistët që tashmë kanë ardhur këtu

Të gjithë ata që kanë vizituar një herë fshatin Dobërsko në Bullgarinë Jugperëndimore premtojnë të kthehen përsëri, sepse kurrë nuk ka kohë të mjaftueshme për të shkuar përreth dhe për të admiruar të gjitha pamjet e fshehura këtu. Turistët..

botuar më 21-06-12 6.25.PD

Udhëtim deri në Luginën e Trëndafilave në sezonin e mbretëreshës së luleve

Një nga legjendat për Luginën e Trëndafilave në Bullgari tregon, se lulja e parë në të u mboll nga një bullgar që u kthye nga Persia. Aty ai për tri ditë ndërtoi një xhami në oborrin e pallatit të një shahu të pasur dhe të fuqishëm. Si shpërblim..

botuar më 21-05-28 12.45.MD

Më 24 maj nderojmë shpirtin, kulturën dhe arsimin

Për ne bullgarët 24 maj është një nga ditët më të ndritshme të vitit. Kjo është festa e lartësimit shpirtëror, e synimit drejt përsosjes nëpërmjet arritjeve të shkencës dhe të kulturës. Në këtë ditë kremtojmë veprën e të dy arsimtarëve sllavë..

botuar më 21-05-24 6.15.PD