Gjatë hapjes së konferencës “Tri dete” – unitet, inovacione, ndërlidhje” Presidenti Rumen Radev bëri thirrje për përdorimin më efikas të instrumenteve që nxisin investimet dhe rritjen ekonomike, të tilla si Iniciativa për ndërlidhjen rajonale “Tre Dete”. Sipas tij, afrimi i përshpejtuar shoqëror dhe ekonomik me partnerët tanë nga Evropa Perëndimore nëpërmjet transportit, energjisë dhe lidhjes digjitale në rajonin tonë është një qëllim i përbashkët për vendet e Evropës Lindore.

Presidenti theksoi se është e rëndësishme të përfshihemi në iniciativën e Greqisë, sepse në kufirin tonë të përbashkët kryqëzohen rrugë të rëndësishme energjetike, digjitale dhe të transportit. Presidenti theksoi se Japonia, Koreja e Jugut, Britania e Madhe dhe Katari kanë shprehur interes për të bashkëpunuar në kuadrin e iniciativës. "Ne i kemi vendosur vetes qëllimin për të tërhequr interesin e biznesit dhe fondet e investimeve për ta bërë rajonin tonë gjithnjë e më të njohur në të gjithë botën," tha Presidenti.