Radioja Kombëtare Bullgare © 2021 Të gjitha të drejtat janë të rezervuara

Fshati i vjetër Dobërsko fsheh befasime edhe për turistët që tashmë kanë ardhur këtu

Foto: arkiv

Të gjithë ata që kanë vizituar një herë fshatin Dobërsko në Bullgarinë Jugperëndimore premtojnë të kthehen përsëri, sepse kurrë nuk ka kohë të mjaftueshme për të shkuar përreth dhe për të admiruar të gjitha pamjet e fshehura këtu. Turistët magjepsen së pari nga pamja e bukur nga fshati drejt gjithë luginës së Razllogut, malit madhështor të Pirinit dhe kodrave të buta të malit Rodope. Dobërsko është e vendosur në shpatet jugore të malit Rilla, 1050 metra mbi nivelin e detit dhe është shumë e vizituar nga turistët bullgarë dhe të huaj që qëndrojnë në vendpushimin e skive afër Bansko, vetëm 17 km larg Dobërsko.

Këtu ndodhet kisha antike "Shenjtorët Theodor Tiron dhe Theodor Stratilat", e cila ruan një mister të pazgjidhur - një pikturë murale nga 600 vjet më parë, në të cilën Jezusi sikur se është vendosur në një raketë hapësinore. Nga pikëpamja e njeriut modern, murali u ngjan shumë mjeteve të fluturimit në hapësirën kozmike, të njohura në fushën e shkencës dhe fantastikës. Kisha është interesante edhe për faktin se shumë prej skenave biblike në murale nuk janë në përputhje me kanunin e kishës. Për shembull, Shën Dhimitri dhe Shën Gjergji janë pikturuar me shtat të plotë, jo mbi kalë, siç zakonisht paraqiten shenjtorët-luftëtarë. Bën përshtypje edhe skena në të cilën mjeshtri i panjohur i afreskeve paraqet Jezu Krishtit me flokë të lidhur në një bishtalec.

Toka dhe njerëzit në Dobërsko mbajnë legjenda antike për ujin e mrekullueshëm shërues që buron në oborrin e kishës, për mbretërit bullgarë dhe klerikët ortodoksë të cilët kanë ndaluar në Dobërsko për t’u çlodhur.

Veshja pranverore e pyllit, ujërat e stuhishëm të ujëvarës aty pranë "Shtrakalloto" dhe eko-rrugët pranë fshatit tërheqin shumë turistë. Nëpërmjet publikimit tonë "Fshati Dobërsko dhe krahinat rreth tij – një gërshetim i jashtëzakonshëm i së kaluarës historike dhe natyrës përrallore" nga koleksioni i Radio Bullgarisë ju propozojmë një shëtitje në fshat dhe në monumentet vendase, në të cilën udhërrëfyesja jonë është Svetllana Dimitrova.

Përpiloi: Gergana Mançeva

Përgatiti në shqip: Vesella Mançeva


Më shumë nga rubrika

Të mbijetosh pas tragjedisë së Titanikut dhe të lësh trashëgimi historinë e vet në malin e Trojanit

Fshati Beli Osëm (Bullgari Veriore) në rajonin e Trojanit tërheq turistët me natyrën e tij të bukur, zanatet e ruajtura dhe gjellët e shijshme. Mirëpo, shumë pak janë njerëzit, të cilët e dinë se fshati, i zhytur në gjirin e malit Stara Pllanina,..

botuar më 21-07-24 6.35.PD

184 vjet nga lindja e Apostullit të Lirisë

"Republikë e Shenjtë dhe e Pastër" – për një Bullgari të tillë ëndërronte Apostulli i Lirisë - njeriu, i cili udhëtonte nëpër të gjithë territorin e saj që të themelojë komitetet revolucionare dhe të përgatisë atdheun për lirinë e tij. Sot, 18..

botuar më 21-07-18 6.05.PD

Veçoritë historike të procesit zgjedhor në Bullgari

Ruleta zgjedhore po rrotullohet përsëri. Shtetasit bullgarë zgjedhin deputetë për Legjislaturën e 46-të të Kuvendit Popullor. Procesi demokratik zgjedhor në vendin tonë ka traditat e veta. Që në vitin 1879 pak pas Çlirimit nga zgjedha osmane,..

botuar më 21-07-11 5.45.PD