Radioja Kombëtare Bullgare © 2021 Të gjitha të drejtat janë të rezervuara

Ngjarjet me adresë ballkanike

Sllovenia mori presidencën e BE

Në Lubjanë, Kryeministri Slloven Janez Jansa dhe Presidentja e Komisionit Evropian Ursula von der Leyen riafirmuan perspektivën evropiane të Ballkanit Perëndimor. Kjo ndodhi në një konferencë të përbashkët në lidhje me marrjen e presidencës së BE nga Sllovenia më 1 korrik, transmetoi e dërguara speciale e BNR Angelina Piskova. Jansa u bëri thirrje vendeve anëtare të arrijnë një konsensus mbi zgjerimin e bashkimit dhe fillimin e bisedimeve me Shqipërinë dhe Maqedoninë e Veriut. Prioriteti kryesor i presidencës sllovene do të jetë rimëkëmbja ekonomike e vendeve të BE pas pandemisë Covid-19. Presidenca e Lubjanës fillon në sfondin e kritikave ndaj Kryeministrit Janez Jansa dhe qeverisë së tij për presion mbi mediat dhe probleme me sundimin e ligjit.

Aleksandër Vuçiç: Shqipëria dhe Maqedonia e Veriut nuk janë të bllokuar për BE nga Bullgaria

Arsyeja kryesore për të cilën BE nuk ka rënë dakord të fillojë bisedimet e aderimit me Shqipërinë dhe Maqedoninë e Veriut është ngurrimi i tij për t’u zgjeruar. Këtë e tha Presidenti i Serbisë, Aleksandër Vuçiç, në një intervistë për Euronews Serbia, cituar nga BGNES. “Maqedonia e Veriut nuk ka faj, pasi ajo ka përmbushur të gjitha kërkesat për fillimin e bisedimeve të pranimit në BE, duke përfshirë ndryshimin e emrit të saj. Për më tepër, ankesat e Bullgarisë, të cilat çuan në një veto mbi Maqedoninë e Veriut, ishin “përralla për fëmijë të vegjël”, shtoi ai. I pyetur nëse Gjermania apo Franca nuk duan që vendet kandidate të bëjnë përparim në rrugën drejt BE, Vuçiç nuk pranoi të përmendte një vend specifik, por tha “sigurisht nuk ka dëshirë të zgjerohet për momentin”.

BERZH: Ekonomia rumune e përballoi shumë mirë krizën e koronavirusit

Banka Evropiane për Rindërtim dhe Zhvillim (BERZH) korrigjoi vlerësimin e saj për zhvillimin ekonomik të Rumanisë, duke parashikuar rritje prej 6 për qind për 2021. Në vlerësimin e saj në shtator 2020, banka parashikoi rritje prej 3 për qind. Sipas raportit të BERZH, ekonomia rumune është përballuar shumë më mirë krizën e koronavirusit sesa pritej, me PBB-në në rënie me 3.9 për qind në vitin 2020. Rënia më e konsiderueshme u regjistrua nga konsumi i brendshëm - 4.9 për qind. Kontribut pozitiv në PBB dhanë ruajtja e investimeve dhe rritja e eksportit, njoftoi Radioja Publike Rumune.

Mevlut Çavushogllu: Turqit qipriotë nuk duhet të pranohen si një pakicë

“Barazia sovrane dhe statusi i barabartë janë të drejta themelore të turqve qipriotë. Ne do të vazhdojmë të mbrojmë këtë kauzë.” Këtë e shkroi në profilin e tij në Twitter Ministri i Jashtëm turk Mevlut Çavushogllu, cituar nga Radio dhe Televizioni Turk. Ai e shkroi këtë në lidhje me vizitën e tij në Republikën Turke të Qipros Veriore e njohur vetëm nga Turqia, e cila për bashkësinë ndërkombëtare është pjesë e Republikës së Qipros. Çavushogllu tha se Turqia nuk është e prirë të pranojë qëndrimin e autoriteteve të Qipros ndaj turqve qipriotë si ndaj një pakice. Deklaratat e Ministrit të Jashtëm turk vijnë në sfondin e bisedimeve midis Qipros dhe kompanisë Exxon Mobil për rimëkëmbjen e zhvillimit të burimeve të gazit në shelfin qipriot në fund të vitit 2021. Sipas Turqisë asnjë nga palët nuk mund të pretendojë për shelfin dhe ndarja e të ardhurve duhet të jetë e drejtë mbi bazë të njohjes së barazisë së të dy popujve.

Në Zagreb arrestuan drejtorin e Radios dhe Televizionit Kroat

Drejtori i përgjithshëm i Radios dhe Televizionit Kroat Kazimir Baçiç u arrestua në Zagreb gjatë një aksioni të policisë dhe prokurorisë për luftimin e korrupsionit dhe krimit të organizuar, transmetoi BGNES. Sipas mediave kroate arrestimet janë me dyshim për korrupsion. Ndër të arrestuarit kishte edhe personalitete të tjera të njohura.

U hoqën tarifat roaming midis vendeve të Ballkanit Perëndimor

Nga 1 korriku u hoqën tarifat roaming midis Maqedonisë së Veriut, Serbisë, Malit të Zi, Shqipërisë, Kosovës dhe Bosnjë e Hercegovinës. Vendim për këtë u mor në samin e dytë digjital të gjashtë vendeve të Ballkanit Perëndimor në 2019. Në fazën e parë të marrëveshjes që filloi në vitin 2019 tarifat roaming u ulën me 80 për qind. “Heqja e tarifave roaming është arritja më e madhe e Programit Digjital për Ballkanin Perëndimor, të cilin e nisa në vitin 2018”, shkroi në profilin e saj në Facebook eurokomisionarja bullgare Maria Gabriell.

Përgatiti në shqip: Svetllana Dimitrova

Më shumë nga rubrika

Ngjarjet me adresë ballkanike

Në Bruksel ka rezerva ndaj iniciativës regjionale “Ballkan të Hapur” Administrata e Brukselit vlerëson negativisht nismën për “një mini Shengen” ose “Ballkan të Hapur” të liderëve të Maqedonisë, Serbisë dhe Shqipërisë dhe mendon, se ajo..

botuar më 21-09-17 2.33.MD

Një tjetër “parti ndryshimi” po shkon në zgjedhje

Për herë të parë në kuadrin e një viti bullgarët do të votojnë herën e tretë me radhë për një parlament të ri. Kjo imponohet pasi Legjislaturat e 45-të dhe 46-të të Kuvendit Popullor nuk arritën të formojnë një qeveri të rregullt. Paaftësia e..

botuar më 21-09-16 1.50.MD

Partitë po i fshehin kandidatët e tyre presidencial nga frika e komprometimit

Presidenti Rumen Radev shpalli gjatë ditëve të pushimit se zgjedhjet presidenciale dhe ato parlamentare do të zhvillohen njëkohësisht më 14 nëntor. Pavarësisht se deri në datën e shpallur mbeten vetëm 2 muaj, lojtarët kryesorë politikë akoma po..

botuar më 21-09-13 3.11.MD