Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Vallë a na bëri pandemia më bujarë dhe më të mirë?

Bullgaria renditet në vendin e 45-të për nga bujaria për vitin 2020, sipas Indeksit të Donacioneve Botërore CAF

Foto: Pixabay

Ne bullgarët jemi në vendin e 45 për nga bujaria për vitin 2020. Këtë e tregojnë rezultatet e indeksit të Donacioneve Botërore të CAF 2020 (CAF World Giving Index 2020) - studimi më i autoritetshëm, i cili e llogarit bujarinë në 114 shtete.

Studimi i bujarisë globale për vitin e kaluar zbulon ndikimin e madh të pandemisë nga Covid-19 mbi bamirësinë. 55% nga popullsia e rritur e botës - ose 3 miliardë veta - thonë se, gjatë vitit 2020 i kanë ndihmuar ndonjë të panjohuri, kurse dhurime në para kanë bërë më shumë njerëz sesa gjatë 5 viteve të fundit - 31%. Treguesi i tretë - “nivelet e vullnetarizmit”, gjatë vitit 2020 është përgjithësisht i pandryshuar në një nivel global. Një shpjegim mund të gjejmë në izolimin e imponuar dhe pamundësinë që fizikisht të jemi në dobi të njëri-tjetrit.

Për Bullgarinë pozicioni i 45 me një indeks dhurues 37% është një farë rekord nga krijimi i indeksit gjatë vitit 2009 e deri tani, thotë Elica Barakova, drejtoresh ekzekutive e Fondacionit BCause, e cila e prezanton vendin tonë në CAF Global Alliance. Mjerisht, gjatë vitit 2018 vendi ynë ishte në vendin e 126 prej 146 shteteve, kurse gjatë vitit 2017 - në pozitë të 127 prej 139 shteteve.

“Studimi po tregon këtë të cilën ne e vërejtëm vitin e kaluar dhe e dimë se në kohë krize bullgarët jemi të aftë të mobilizohemi, të dhurojmë shumë seriozisht dhe të mbledhim një sasi të konsiderueshme ndihmë për nevojtarët dhe për ata të cilët janë në një situatë kritike. Kjo tregon dhe diçka tjetër, se kjo valë e solidaritetit qe gjatë gjithë vitit të kaluar. Është e zakonshme që në kohë krize të ketë një kulm prej një-dy muaj dhe pas kësaj të kthehemi në nivele më të ulëta të dhurimit, por gjatë vitit 2020 kjo nuk rastisi. Për Bullgarinë treguesit e bujarisë janë rritur dyfish, gjë e cila tregon se, indeksi nuk është i lidhur vetëm me qëndrueshmërinë dhe stabilitetin e një vendi dhe të shoqërisë së tij, por më tepër me ndjenjën për solidaritet dhe ndjeshmëri. Indeksi dhurues Botëror i CAF për vitin 2020 tregon realisht solidaritetin pa precedent të shoqërisë sonë kundra Covid-19, të cilin arritëm ta ruajmë jo vetëm për një periudhë të shkurtër krize, por gjatë gjithë vitit, në të cilin dhënia e dhurimeve nuk kishte lodhje” - saktësoi Elica Barakova përpara Radios Kombëtare Bullgare-Vidin.

Gjatë vitit 2020 shteti më bujar është Indonezia, e cila e kryeson listën  edhe gjatë vitit 2018. E ndjekin Kenia dhe Nigeria.

Gjatë vitit 2020, 64% prej bullgarëve i kanë ndihmuar një të panjohuri, 34% kanë dhuruar para, kurse 12% kanë qenë vullnetarë. Tradicionalisht tek ne tregues më të lartë marrim gjatë “ndihmës për një të panjohur”, kurse vullnetarizmi është më i dobët.

Dhurimi dhe vullnetarizmi janë gjëra, me të cilat njeriu mësohet në familjen e vet ose në shkollë dhe në Bullgari kjo rastis, është kategorik psikologu Krum Krumov.

Përpiloi: Vesella Krësteva /në bazë të intervistave të BNR-Vidin/

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Tragjedia në qytetin maqedonas të Koçanit ngre një valë dëshpërimi, zemërimi dhe mospranimi

Republika e Maqedonisë së Veriut është në shtatë ditë zie. Qyteti i Koçanit, ku zjarri në një diskotekë mori jetën e të paktën 59 personave – të rinjve dhe fëmijëve, pothuajse të gjithë të moshës14 deri në 25 vjeç, sot është mbuluar me heshtje...

botuar më 25-03-17 4.40.MD

Diskoteka në Koçan, ku u dogjën 59 persona, nuk ka pasur patentë

Zjarri në qytetin maqedonas të Koçanit, ku humbën jetën 59 persona dhe u plagosën 155 të tjerë, është një ngjarje e paralajmëruar, thotë Prof. i Asoc. Milen Ivanov, ekspert i sigurisë dhe ish-prorektor i Akademisë së MPB-së. “ Kjo është një..

botuar më 25-03-17 12.11.MD

Empati dhe pikëllim pas tragjedisë në Koçan

Gjithsej 59 persona humbën jetën dhe 155 u plagosën nga zjarri gjatë një koncerti të grupit të njohur “DNA” që shpërtheu mbrëmë në diskotekën “Pulsi” në qytetin e Koçanit, që ndodhet në pjesën lindore të Maqedonisë së Veriut, 65 km nga..

botuar më 25-03-16 8.48.MD