Tashmë më shumë se një javë Shkolla Muzikore Kombëtare "Ljubomir Pipkov" është mikpritëse e Festivalit të Parë Veror për Muzikë Dhome, në të cilin marrin pjesë instrumentistë të rinj bullgarë. Ngjarja përfshin trajnime, leksione, prezantime dhe një koncert, kështu që fjala "festival" në këtë rast nuk është plotësisht shteruese. Por sigurisht që është mjaft е përshtatshme për këtë festë të të rinjve, ku rinia haset me përvojën e duhur të pedagogëve të njohur të huaj dhe bullgarë. Moni Simeonov, violinist i njohur i cili që prej vitesh banon në SHBA dhe jep koncerte në mbarë botën, na tregon:
"Deri më tani kam marrë pjesë në 16 festivale të ngjashme në Shtetet e Bashkuara, Japoni dhe Singapor - në disa si nxënës, në disa të tjerë si mësues, por ideja për ta bërë atë në Sofje erdhi nga violinistja e famshme Midori. Isha nxënës i saj në vazhdim të shumë viteve. Rreth 30 nxënës dhe studentë bullgarë aplikuan me video të tyre. Formuam gjithsej 6 grupe dhome.
Qëllimi është që muzikantët e rinj të punojnë në mënyrë aktive dhe pas dhjetë provash dhe dhjetë mësimesh të muzikës së dhomës me mësues bullgarë, të mësojnë vepra të veçanta. Kjo zakonisht kërkon më shumë kohë - një semestër, madje një vit të tërë shkollor, dhe tani, në vetëm dhjetë ditë, ata do të jenë në gjendje të interpretojnë këto vepra komplekse për orkestra harqesh. Këto ditë ata kanë klasa master në internet me mësues nga e gjithë bota të cilët janë gjithashtu interpretues të famshëm. Në këtë rast, forma e largët na ndihmon, sepse është e pamundur që këta tetë muzikantë elitarë dhe shumë të angazhuar të mblidhen në Bullgari në të njëjtën kohë. Përveç Midorit, violinistët Tanja Becker-Bender, Dmitri Berlinski, Itamar Zorman, Solomiya Ivakhiv, violonçelist David Geber dhe të tjerë gjithashtu japin mësime në internet. Ata vetë janë laureatë të konkurseve më të mëdha në botë dhe japin mësime në disa nga shkollat më prestigjioze të muzikës në Evropë, Azi dhe Amerikën e Veriut.”
Në këtë festival Moni Simeonov mori pjesë edhe si lektor . "Teknologjia e Pastër", "Arsimi në botë" janë titujt e disa prej leksioneve që ai mbajti. Violinisti ndau përvojë dhe njohuri për problemet teknike me instrumentet me tela duke na mësuar se "si të luajmë pa dhimbje", gjë që është shumë e rëndësishme për të gjithë ata që zgjedhin karrierën e interpretuesit. Në një nga temat ai foli për profesionet muzikore të së ardhmes, në një tjetër - si të përdorim aplikacionet mobile dhe internetin për një mësim më të shpejtë dhe më efikas. Koncerti i ansambleve të dhomës të festivalit është më 10 korrik, në sallën e Shkollës Muzikore Kombëtare "Ljubomir Pipkov" nga ora 4 pasdite. Sipas fjalëve të Moni Simeonovit, ai do të zgjasë disa orë dhe do të jetë interesant dhe emocionues për mësuesit dhe publikun të cilët do të mund të dëgjojnë se çfarë kanë mësuar muzikantët e rinj.
Përgatiti në shqip: Vesella Mançeva
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë me raste dhe në ditë pa raste, dhe atëherë gjithmonë këndohej" - ja çfarë na tregon Dimitër..
Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është autor i mbi 500 veprave - opereta, tanga, hite, muzikë për filma, me të cilat me dekada ka..
Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah titullarëve DEEP PURPLE, MR. BIG dhe ACCEPT do të kenë shfaqje akoma 13 grupe nga jashtë, duke përfshirë..
Atazar (shqiptohet АтазАр), Kris V (shqiptohet Kris Vi) dhe këngëtarja Aleksandra Ivanova prezantuan këngën e tyre të përbashkët "Mbetu" me një video..
Muzika magjike e grupit “Tеrpentina” na emocionon gjithnjë e më shumë kohët e fundit, sidomos pas albumit debutues “Nostalgji”.Ai përmban dhjetë këngë..