Radioja Kombëtare Bullgare © 2021 Të gjitha të drejtat janë të rezervuara

Gjellë të shijshme, turnir i peshkimit dhe shfaqje folklorike në festivalin në Nikopoll

Nikopoll
Foto: arkiv

Në qytetin Nikopoll presin me padurim një fundjavë të këndshme, të shoqëruar me shumë hare dhe iniciativa zbavitëse. Gjatë ditëve të pushimit qyteti i cili gjendet buzë lumit Danub do të jetë mikpritës i festivalit të parë për nga lloji i vet nën titullin “Danubi, njerëzit dhe traditat”. Ideja është që t’i jepet shtytje turizmit në regjion, si dhe të përkrahet bashkësia vendase, për të cilën peshkimi dhe bujqësia janë një mënyrë jetese tradicionale. Në ditët e festës, midis 16 dhe 18 korrikut, pritet që mijëra turistë të vizitojnë qytetin, kurse organizatorët premtojnë një program të përmbushur dhe të pasur me ngjarje.

Programi fillon me një ekspozitë kulinare me provë të specialiteteve tipike lokale. “Përveç kaçamakut  i cili është tradicional për këtë rajon buzë lumit, miqtë e festës do të njihen me larminë e madhe të gjellëve tona mbi bazën e peshqve të cilët takohen më shpesh në lumin Danub” - thotë Ralica Marinova, sekretare në Vatrën e Kulturës “Përparim” dhe shton:

“Do të ketë një çorbë peshku, e cila do të përgatitet para publikut dhe do t’u shpërndahet njerëzve. Do të ketë një “prjasoll të vllehve”/një lloje supe/ prej shojze (Ostariophysi), do të ketë peshk në tavë, si dhe përgatitjen tradicionale të krapit të zakonshëm (Cyprinus carpio), i cili piqet në furë. Mysafirët do të mund të konsumojnë  po kështu peshkun Deverika (Abramis brama), mrenë të pjekur (Barbus petenyi), shojzë të skuqur dhe kuptohet, një larmi të madhе prej gjellëve mbi bazën e peshkut trashanik (Silurus glanis).” 

 Për gjendjen e mirë shpirtërore të mysafirëve do të kujdeset grupi amator folklorik i vatrës së kulturës “Përparimi” në qytetin Nikopoll, i cili sivjet feston jubileun e vet 150 vjetor. Në skenë do të paraqiten dhe grupe folklorike nga bashkitë fqinje Veliko Tërnovo, Pleven dhe Guljanci. Do të ketë dhe mundësi për shëtitje me varkë nëpër Danub deri tek ishujt e afërt.

Një vëmendje të posaçme në programin e festës i është kushtuar dhe ruajtjes së pastërtisë dhe të pasurive natyrore të lumit. Për këtë qëllim, akoma gjatë ditës së premte, vullnetarë vendas do të spastrojnë plazhin e qytetit  Nikopoll, i cili ka lavdinë si një nga më të bukurit nëpër bregun e lumit. Është parashikuar dhe një program arsimor për më të vegjlit:

“Fëmijët kanë një prezantim interesant për mbrojtjen e llojeve të ndryshme të peshkut në lumin Danub, sepse duhet të vazhdojmë të punojmë me brezin e ardhshëm për ruajtjen e lumit. Në ditën e fundit po kështu është planifikuar një prezantim i rëndësisë së ruajtjes së rrjedhës së poshtme të Danubit në rajonin e Parkut të afërt Natyror “Persina”. Festivali do të përfundojë me një kampionat spektakolar të peshkimit “Vidra” me pjesëmarrjen e fëmijëve dhe të të moshuarve. Do të ketë dhe dekorata të shumta si dhe një gjendje shumë të mirë shpirtërore”, premtoi Ralica Marinova.

Përgatiti në shqip: Nataniela Vasileva

Më shumë nga rubrika

Sezoni turistik vera 2021 – i suksesshëm, por i shkurtër

Sezoni veror në Bullgari në kushtet e pandemisë është relativisht i suksesshëm, evidentoi dikasteri turistik javën e kaluar. Gjatë muajve qershor, korrik dhe gusht shihet një rritje e turistëve me 70 për qind në krahasim me një vit më parë. Në..

botuar më 21-09-19 10.15.PD

“Fundjava në Plovdiv” do të mbahet pavarësisht kufizimeve pandemike

Edicioni i katërt i Festivalit “Fundjava në Plovdiv” bashkon përpjekjet e të punësuarve në degën turistike në zhvillimin e qytetit si një vend tërheqës për pushim dhe itinerare kulturore. Nga 17 deri më 19 shtator qytetarët dhe miqtë e qytetit..

botuar më 21-09-18 7.35.PD

100 video për 100 vjet Varna - qytet turistik

100 video histori të ngjarjeve, vendeve dhe objekteve gjatë shekullit të fundit, tregojnë për zhvillimin e Varnës si një qendër kulturore detare, njofton Bgtourism.bg. Iniciativa e përbashkët e Bashkimit të Operatorëve Turistikë në Bullgari dhe..

botuar më 21-09-12 9.15.PD