Radioja Kombëtare Bullgare © 2021 Të gjitha të drejtat janë të rezervuara

Trajnerë të mirë dhe prindërit i kthejnë fëmijët me aftësi të kufizuara në njerëz të gatshëm për sukses

Foto: fapabbs.eu

Bojan është fëmijë në moshën 15 vjeçe nga Sofja, një nga ata të cilët rriten dhe mundin ta përballojnë jetën, pavarësisht nga sindroma Daun. Ai i ka kaluar mundësitë e pjesës më të madhe nga vërsnikët e vet dhe është medalist i shumëfishtë i Lojërave Evropiane për të rinj me aftësi të kufizuara - Emil Open. Gjatë shtatorit të vitit të kaluar djali u kthye nga Lojërat Evropiane për të rinj me aftësi të kufizuara motorike dhe mendore, që janë zhvilluar për herë të nëntë në Bërno të Çekisë. Fëmijët bullgar fituan aty 6 medalje të arta, 5 të argjendta dhe 3 të bronzta, mes një konkurrence të madhe prej 12 shteteve pjesëmarrëse. “Kjo arrihet me një punë të madhe dhe këmbëngulje, por dhe me shumë trajnerë, të cilët të punojnë në këtë sferë. Por, mjerisht në Bullgari sporti është në një plan të pasmë dhe asnjë nuk beson se ai ekziston për këta fëmijë”, shënon në intervistën e dhënë për Radion Kombëtare Bullgare nëna e Bojanit - Borisllava Vandova.

“Ne shkojmë jashtë shtetit, por tek ne nuk ka gara të tilla - thotë ajo. Sporti u ndihmon fëmijëve që të zhvillohen dhe është e udhës që në çdo një qendër për punë me ta, të marrë pjesë dhe sporti. Duhet të ketë më shumë specialistë, të cilëve shteti tu paguajë, dhe jo vetëm të mbështetemi tek vullnetarët. Të paktën 3 orë në ditë janë stërvitjet, ato janë pas fundit të orëve të mësimit, kurse djali im është pak i plotë dhe prandaj ai duhet të jetë në dietë. Përveç të gjithave, stërvitjet, të cilat i ka dhënë trajneri për punë shtëpie, vazhdojnë dhe në shtëpi dhe me një këmbëngulje vjen dhe rezultati. Kështu nga një fëmijë me një problem mental, i cili qe absolutisht i varur nga ndihma e huaj, tani unë kam një fëmijë plotësisht të pavarur, që mundet vetë të luftojë me përballimin e problemeve në jetë. Mjaft vështirë punohet me fëmijët tanë - këtë ne vet prindërit e kemi më se të qartë. Ne nuk mund të jemi terapistë, fizioterapistë, psikologë.  Unë, si prind do të doja të merrem me profesionin tim dhe kështu të jem një qytetar i plotëvlefshëm i kësaj shoqërie, dhe jo të jem përherë në shtëpi, që të kujdesem për fëmijën.

Në shkollën në të cilën stërvitet Bojani, që të gjithë të rinjtë janë sportistë elitarë dhe përgatiten për arritje të larta sportive. Por, aty ata shkojnë krejtësisht të papërgatitur, madje pa asnjë lloj mjeshtërish për të komunikuar, kurse disa tregojnë dhe agresion. Pas takimeve dhe punës me trajnerët, këto probleme përballohen. “Këta fëmijë u kthyen në sportistë të shkëlqyer, të cilët bëjnë përpjekje të shumta, që të mund të jenë sportistë të vërtetë  dhe të jenë të dobishëm për shoqëria tonë. Ata madje kontaktojnë me sportistë nga shtetet e tjera, kanë qëllime të larta, i ndjekin dhe e dinë se ka se me çfarë të krenohen”- thotë në një transmetim të Radios Kombëtare Bullgare Sllav Petkov, kryetar i federatës ballkanike “ Aktiviteti fizik i adaptuar” – FAFA. Ajo zhvillon sporte për njerëz me nevoja të posaçme arsimore.

Sllav Petkov

“Procesi tek këta sportistë është i vështirë, kërkon një durim shumë të madh, kurse njerëzit të cilët merren me fëmijë me aftësi të kufizuara numërohen në gishtat e dorës. Problemi është tek mungesa e një informimi, se puna nuk është  aq jo tërheqëse dhe kërkon më shumë durim, kur bëhet fjalë për fëmijë me probleme mentale. Sporti është njëra nga mënyrat më të mira për një integrim social të këtyre fëmijëve dhe Bojani është i pari, me të cilin punon federata. Politika në këtë sferë është joefektive, sepse nuk është mjaft e njohur. Jo vetëm sporti duhet të reklamohet por dhe të gjitha shërbimet sociale, të cilat u propozohen njerëzve me nevoja të posaçme”.  

Përveç në fushën e sportit , Federata “Aktivitet fizik i adaptuar” merret dhe me shumë veprimtari të tjera, përmes të cilave i mëson fëmijët me punë. Që nga viti 2019 punon mbi një projekt evropian për fëmijët dhe të rinjtë me nevoja të posaçme. Kanë ndërtuar ëmbëltoren e parë sociale në Sofje, të quajtur “Shtëpia e vogël”, ku të rinjtë mësohen të jenë të plotëvlefshëm. Për ta kontaktet sociale janë me një rëndësi të madhe, prandaj kjo ëmbëltore është një shans, të cilin nuk e kanë që të gjithë ne vend.

Përpiloi: Gergana Mançeva në bazë të intervistës së Tanja Ljubenovës

Përgatiti në shqip: Nataniela Vasileva

Foto: fapabbs.eu, Fаcebook /Sllav Petkov, Borisllava Vandova

Më shumë nga rubrika

U botua një abetare bullgare për fëmijët dygjuhësh

"Po lexojmë me Asjan dhe Javorin" është emri i abetares së parë për nxënësit me gjuhë amtare të ndryshme nga bullgarishtja dhe për ata që kanë vështirësi në lexim në shkollën fillore. Abetarja është e përshtatshme për fëmijët bullgarë që rriten..

botuar më 21-09-22 3.09.MD

Procedura për lëshimin e certifikatave të shtetësisë bullgare është përshpejtuar

Për tre muajt e verës gjatë qeverisjes së kabinetit teknik u shërbyen 7600 persona, të cilët morën certifikatat e tyre për shtetësinë e fituar bullgare. Ndërsa për gjithë vitin 2020 certifikatat e lëshuara ishin 5500. Këtë e tregoi si një sukses të..

botuar më 21-09-21 1.27.MD

Bullgarët në mbarë botën mbështesin kauza bamirëse për të ndihmuar bashkatdhetarët në vendin tonë

Aftësia ose vetëm dëshira të ndihmosh dikë të bënë të ndihesh i rëndësishëm. Por, jo në atë “kuptim televiziv” sa përpara kamerave, siç thuhet, por në shpirtin dhe në zemrën tënde. Altruizmi është një vendim i thellë personal dhe me siguri nuk..

botuar më 21-09-21 1.06.MD