Programi i ditës

Radioja Kombëtare Bullgare © 2021 Të gjitha të drejtat janë të rezervuara

Festivali "Ditët e Paraardhësve - Pliska 2021" na kthen në Bullgarinë Mesjetare

4
Foto: Maja Arsova

Në Rezervatin Historik Arkeologjik "Pliska" (që ndodhet 28 km. në verilindje të qytetit të Shumenit) do të zhvillohet Festivali i Nëntë Mesjetar "Ditët e Paraardhësve - Pliska 2021". Ai prezanton Mesjetën bullgare nga shekulli VII deri në XIV dhe është ndër rindërtimet historike më të rëndësishme në vend. Vendi i zhvillimit të tij nuk është i rastësishëm - rezervati arkeologjik "Pliska" ruan kujtesën e kryeqytetit të parë bullgar, i cili në kohën e themelimit të shtetit bullgar në vitin 681 ka qenë një nga qytetet më të pasura në Evropë, i njohur për arkitekturën e tij të jashtëzakonshme.

Festivali, i cili na kthen në këtë epokë, do të mbahet më 7 dhe 8 gusht. Pritet që të vijnë mbi 200 pjesëmarrës nga Bullgaria dhe jashtë saj, të cilët do të demonstrojnë mënyrën e jetesës, kulturën dhe traditat e kësaj periudhe të historisë.

“Do të ketë më shumë pjesëmarrës sesa në vitet e mëparshme. Ata janë nga vendi dhe jashtë, sigurisht që bëhet fjalë për destinacione më të afërta, si Rumania për shembull, sepse situata pandemike në mbarë Evropën nuk lejon pjesëmarrjen e grupeve të tjera”, saktësoi para BNR-Varna Zhasmin Përvanov – kryetari i “Shoqatës për rimëkëmbjen dhe ruajtjen e traditave bullgare – Avitoholl” e cila është një nga organizatorët e aktivitetit që nga vetë fillimi.

Zhasmin Përvanov

Qëllimi kryesor i këtij aktiviteti është rikrijimi i historisë, e tillë siç e njohim nga studimet tona, tha gjithashtu Zhasmin Përvanov.

Aktiviteti do të fillojë me një konferencë shkencore me temë: “1340 vjet nga krijimi i shtetit bullgar dhe 1300 vjet nga vdekja e Hanit Tervel – Shpëtimtari i Evropës.”

Përveç prezantimit të veshjeve të mesjetës, armëve dhe sendeve nga jeta e përditshme, do të ketë gjithashtu demonstrime luftarake, muzikë nga epoka e hershme e Mesjetës, degustime të kuzhinës së Mesjetës. Për fëmijët dhe të rinjtë janë parashikuar trajnime të ndryshme – si qitje me hark dhe beteja me shpatë.

Përpiloi: Elena Karkallanova

Përgatiti në shqip: Vesella Mançeva

Foto: Maja Arsova dhe avitohol.org

Galeria

Më shumë nga rubrika

Shën Ivan Rillski – mbrojtës i mjekëve bullgarë

Ditën, në të cilën Kisha Ortodokse Bullgare nderon kujtimin e mbrojtësit qiellor të Bullgarisë Shën Ivan Rillski Çudibërës , mjekët në vend shënojnë festën e tyre. Ajo festohet që prej 25 vitesh e këtej me iniciativë të Bashkimit të Mjekëve..

botuar më 21-10-19 9.35.PD
Profesori Nikollaj Ovçarov

Një unazë vrasëse prej argjendi është një nga gjetjet e vlefshme të Misionis

Qyteti nga antikiteti i vonë Misionis pranë Tërgovishtes, një nga 6 objektet kryesore arkeologjike, ka ekzistuar për më shumë se 150 vjetëve. Arsyet e deklaratës së historianëve janë gjetjet e shumta nga periudha të ndryshme dhe me vlera të..

botuar më 21-10-17 8.45.PD

Pilotët bullgarë shënojnë festën e tyre profesionale më 16 tetor

Një arritje e jashtëzakonshme luftarake e pilotëve bullgarë jep shkak për të shpallur 16 tetorin si Dita e Aviacionit dhe Forcave Ajrore Bullgare. Në këtë ditë gjatë vitit 1912, disa ditë pas shpërthimit të Luftës së Parë Ballkanike, piloti Radull..

botuar më 21-10-16 8.05.PD