Vendi ynë do t’i dhurojë Ukrainës 50 000 doza të vaksinave Astra Zeneca kundër koronavirusit. Kjo u bë e qartë pas takimit në Kiev të Ministrit të Jashtëm në detyrë Svetllan Stoev me homologun e tij ukrainas Dmitro Kuleba.

“Komuniteti bullgar në Ukrainë, i cili numëron 200 000 njerëz, është një urë e natyrshme miqësie midis dy vendeve”, tha diplomati ynë i parë dhe falënderoi për ruajtjen e rajonit të Bollgradit si një njësi e pavarur territoriale me qendrën administrative Bollgradit. Svetllan Stoev tha gjithashtu se do të jetë i lumtur të marrë së shpejti një përgjigje zyrtare nga Kievi për hapjen e një zyre konsullore në Bollgrad, e cila do të lehtësojë lidhjen e bashkatdhetarëve tanë me Bullgarinë.