Programi i ditës

Radioja Kombëtare Bullgare © 2021 Të gjitha të drejtat janë të rezervuara

Së bashku me Parisin, Sofja i bën homazh punës së Christo

Midis datave 18 shtator dhe 3 tetor një nga projektet më spektakolare të Christo do të realizohet pas vdekjes së tij - paketimi i Harkut të Triumfit në Paris

Foto: christojeanneclaude.net

Për ata prej nesh, të cilët nuk kanë mundësi të vizitojnë kryeqytetin francez, që të njihen me art instalimin unikal “Harku i Triumfit i mbështjellë” (L'Arc de Triomphe, Wrapped), Bashkia e Kryeqytetit po përgatit një varg takimesh me artin e tandemit krijues Christo dhe Jean-Claude.

Christo dhe Jean-Claude

Nga data 8 shtator deri më 7 nëntor, galeria e qytetit të Sofjes është mikpritëse e një ekspozite të madhe “Christo dhe Jean-Claude. Jetë=Krijime=Projekte” të Wolfgang Foltz, i cili ka qenë fotografi i tyre zyrtar që nga viti 1971. Përmes 47 fotografive me ngjyra dhe bardh e zi me format të gjerë, publiku përsëri do të takohet me projekte të ndryshme të artistëve gjatë dekadave dhe do të hedh një vështrim në atelienë e tyre, për të ndier frymëzimin e tyre dhe energjinë, dhe punën e madhe të investuar. Katalog, shfaqje të filmave, leksione dhe turne me kuratorë do të shoqërojnë ekspozitën. 

Galeria “VivacomArtHall Oborishte-5” do të prezantojë një ekspozitë retrospektive të Christo dhe Jean-Claude, kushtuar projektit “Paketimi i Harkut të Triufit” në Paris. Ajo do të hapet më 9 shtator dhe do të vazhdojë deri më 6 tetor.

Dhe më shumë - deri më 15 shtator në Kopshtin e Qytetit dhe deri më 24 shtator në Kopshtin përpara “Kristalit”, do të prezantohen postera nga koleksioni i muzeut i Akademisë Kombëtare të Arteve, të cilët ndjekin në mënyrë kronologjike rritjen krijuese të konceptualistëve me famë botërore Christo dhe Jean-Claude, njoftojnë nga Bashkia e Kryeqytetit

Një aksent i veçantë në program do të jenë leksionet e Sophie Dupleau - kuratore kryesore në qendrën “Pompidou”, Matthias Codenberg - një mik personal i Christo dhe Jean-Claude dhe studiues i punës së tyre, si dhe të piktorit Llëçezar Bojaxhiev. Iniciativa është nën moton “Duke parë me mirëkuptim” dhe është organizuar nga Fondacioni “Arti - Vepra dhe dokumente” në një partneritet me Institutin Goethe dhe Punëtorinë arkitekturore të fëmijëve.

Në muajin kushtuar Christo, artisti bullgar i grafiteve Nasimo do të krijojë një pikturë përkujtimore në fasadën e Gjimnazit Matematikor të Sofjes, kushtuar çiftit krijues, i cili është bërë i njohur me “paketimin” në pëlhura të ndryshme të strukturave monumentale dhe objekteve natyrore në të gjithë botën.

Nаsimo

Festivali Master Of Art po kështu do të përfshihet në ngjarje, ku një nga aksentët në programin e 10 shtatorit është shfaqja e dokumentarit “Christo në Paris” (1990), që tregon për projektin rreth paketimit të Pont Neuf në kryeqytetin francez.

Përpiloi: Veneta Nikollova

Përgatiti në shqip: Nataniela Vasileva

Foto: christojeanneclaude.net, nasimo.org

Më shumë nga rubrika

Si u ndërtua Shtëpia e Operës dhe Baletit Kombëtar

Fillimi i viteve 1920 ishte një periudhë në të cilën shumë arkitektë dhe ndërtues bullgarë u kthyen në atdheun e tyre pasi kishin bërë studime jashtë vendit duke marrë në zemër idenë për shndërrimin e Sofjes së pasluftës në një qytet të vërtetë..

botuar më 21-10-24 2.45.MD

Shëtitorja në parkun e qytetit të Belshit të Shqipërisë tashmë mban emrin e piktores bullgare me rrënjë shqiptare Lika Janko

Nga sot, shëtitorja në parkun e qytetit të Belshit, Shqipëri, mban emrin e artistes së talentuar bullgare me rrënjë shqiptare Lika Janko , e cila ndërroi jetë në vitin 2001. Në ceremoninë zyrtare të emërtimit mori pjesë Ministri i Kulturës i..

botuar më 21-10-22 3.38.MD
Georgi Gospodinov

Georgi Gospodinov fitoi çmimin më prestigjioz italian për letërsi

Shkrimtari Georgi Gospodinov fitoi çmimin më prestigjioz italian për letërsi "Premio Strega Europeo". Ai është bullgari i parë që merr çmimin në kategorinë e autorëve evropianë dhe shkrimtari i parë nga Evropa Lindore që e merr atë. Çmimi u dha..

botuar më 21-10-18 9.12.PD