E marta do të jetë me diell dhe pothuajse e qetë. Nuk ka indikacione për fenomene të rrezikshme dhe kodi për të gjithë vendin është në ngjyrë të gjelbër. Temperaturat maksimale do të jenë ndërmjet 27 ° dhe 32 °. Në Sofje temperaturat do të jenë nga 8 e mëngjesit në 27 gjatë ditës. Do të ketë re të shpërndara, dukshëm të larta në rajonet jugore mbi bregdetin e Detit të Zi. Do të fryjë erë e lehtë verilindore. Temperaturat maksimale do të jenë nga 25° në kepin verior Shablla, deri në 27 ° në jug. Nga vendpushimi Allbena deri në qytetin Varna temperaturat do të arrijnë 28. Temperatura e ujit të detit është rreth 23 °. Lëvizja e detit do të jetë 1 ballë. Mbi male moti do të jetë me diell, me erë deri në mesatare veriore dhe vranësira të përkohshme pasdite. Temperatura maksimale në lartësinë 1200 metra do të jetë deri në 21 °, në 2000 metra deri në 13 °. Në vendpushimet Boroveъ dhe Pamporovo termometrat do të shfaqintemperaturë deri në 20 °, dhe në Bansko deri në 24. Të mërkurën do të jetë me diell. Do të ketë rritje të përkohshme të vranësirave pasdite dhe në disa vende në rajonet lindore dhe malore do të ketë reshje shiu për një kohë të shkurtër. Temperaturat maksimale do të jenë midis 26 ° dhe 31 °, parashikon Instituti Kombëtar i Meteorologjisë dhe Hidrologjisë.