Muzeu Etnografik në Burgas paraqet sot për banorët dhe mysafirët e qytetit veshje tradicionale me rastin e 22 Shtatorit - Ditës së Pavarësisë së Bullgarisë. Veprimtaria do të mbahet në adresën e përkohshme të Ekspozitës Etnografike, në rrugën “Knjaz Aleksandër Batenberg” 12-14 nga ora 12.00.

Në kuadrin e veprimtarisë do të prezantohet katalogu “Sipas rrobave presin, sipas mendjes përcjellin”, i cili mbledh pasurinë dhe larminë e veshjeve tradicionale nga rajoni i qytetit Burgas. U fotografuan 21 kostume autentike nga mali Stranxha, qytetet Karnobat dhe Ajtos, rajoni lindor i malit Stara Planina, etj., të grupeve të ndryshme etnike që popullojnë këtë zonë të Bullgarisë. Disa prej këtyre rrobave ruheshin deri më tani dhe nuk u paraqitën para publikut. Fotografitë në të shoqërohen me një përshkrim të secilës veshje në bullgarisht, rusisht dhe anglisht.