Programi i ditës

Radioja Kombëtare Bullgare © 2021 Të gjitha të drejtat janë të rezervuara

Sot është Dita Botërore e Turizmit

Cilësia e shërbimit është pasojë e investimit tek nëpunësit

Foto: Darina Grigorova

Cila është formula për sukses në turizëm në një kohë pandemie? Për shumicën e hotelierëve kjo doli si një detyrë mjaft e vështirë me shumë të panjohura, në sfondin e një panorame epidemiologjike gjithnjë në ndryshim. Në të njëjtën kohë, disa të tjerë, falë zgjuarsisë së tyre në menaxhimin dhe organizimin e aktiviteteve, ishin në gjendje të ruajnë nivelin dhe të përmbushnin kapacitetin me klientët e tyre të rregullt. Ata shumë shpejt u përshtatën me kërkesat e reja, duke ruajtur cilësinë e shërbimit dhe krijuan kushte të parrezikshme për klientët e vet. Kurse cilësia në shërbim vjen dhe nga investimi në nëpunës - pikërisht ata i detyrojnë turistët të ndihen të kënaqur dhe të duan të kthehen përsëri. Kjo është dhe formula e suksesit të një kompleksi hotelesh në vendpushimin Primorsko, i cili sipas traditës mbledh ekipin e vet nga vendet e ndryshme nëpër botë: 

Mirosllav Stojçev

“Sivjet patëm dhe ukrainas, po kështu dhe kameriere nga Kirgistani dhe Kazakistani - shënon menaxheri i kompleksit Mirosllav. Për vitin e ardhshëm planifikojmë të marrim stazhierë nga shkolla e turizmit në Pirot (Serbi). Nga Polonia dhe Hungaria  po kështu kishin ardhur në stazh vajza dhe djem , kurse mot mund të vijnë dhe nga Turqia.”

Që të gjithë ata mundin të përfshihen mjaft mirë në ritmin e punës dhe të mirëmbajnë nivelin e shërbimit në mënyrë të përsosur. Motivacioni për ekipin  janë mundësia për rritje dhe qëndrimi i menaxherëve, të cilët marrin një pjesë aktive në procesin e punës dhe përkrahin nëpunësit e vet:


“Ne jemi si një familje e madhe - po vazhdon Mirosllav Stojçev. Pavarësisht nga fakti se kush nga cila fe është dhe nga cila kombësi - ne respektohemi në mënyrë të përbashkët. Punojmë në një ekip. Veçanërisht kemi animatorë francez, të cilët çdo vit janë të ndryshëm dhe që të gjithë janë të kënaqur nga larmia. Kemi kolegë të shumtë nga restoranti, madje dhe në recepsion, të cilët janë zhvilluar tek ne. Kur e vërejmë punën e tyre, në kuadrin e një, dy vjetëve, menjëherë u japim mundësi të zhvillohen në një nivel më të lart. Veçanërisht, shumë prej tyre tanimë mësojnë në universitete në degët turizëm dhe hotelieri. Shkojnë në stazh jashtë shtetit, kthehen këtu me një përvojë mjaft më të madhe në sferë dhe po zhvillohen”.

Kurse rezultati nga kjo formë e organizimit dhe e drejtimit mund të ndiqet në sajtet e ndryshme turistike. Atje hoteli zë një pozicion drejtues në renditjen e konsumatorëve, që është një tregues për cilësinë e shërbimit, kushtet dhe qëndrimin:


“Tre vjet me radhë fituam çmimin e parë e një vargu francez - tregon Mirosllavi dhe sqaron: Bëhet fjalë për 50 hotele në të gjithë botën. Çmimi është mbi bazën e anketave, të cilat i plotësojnë turistët pasi ikin. Kurse një restorant më i mirë do të thotë jo vetëm ushqim, por dhe atmosferë, shërbim - çdo gjë është komplekse. Vendi gjithashtu është shumë i veçantë dhe i tërheq turistët dhe personelin të kthehen përsëri.”

Përgatiti në shqip: Nataniela Vasileva

Foto: Darina Grigorova

Më shumë nga rubrika

Malin Bistrin

Biznesi turistik është i shqetësuar për të panjohurën para stinës së dimrit

Pronarët e hoteleve alarmuan për anulime masive të rezervimeve pas vendisjes së masave të reja anti-epidemike. Ka edhe staf që largohet. Për shkak të nivelit të ulët të vaksinimeve, ka një rënie të interesit të turistëve të huaj për Bullgarinë si..

botuar më 21-10-22 11.26.PD

Shijoni Bullgarinë për ta njohur dhe dashuruar!

Tek ne turizmi fshatar po merr një vrull rreth pandemisë dhe po ecën dorë për dorë me turnetë kulinarike ose të ashtuquajturat turne “gastro” në kombinim me turne dhe udhëtime të ngadalta. Çdo një zonë e veçantë ka ushqimet e veta tipike si dhe..

botuar më 21-10-18 7.15.PD

Shkëmbinjtë e Bellogradçikut – balona, verë, biçikleta, varka me dragonj dhe emocione të tjera

Gjatë kësaj vere një popullaritet të gjerë fituan fluturimet me ballon mbi shkëmbinjtë e Bellogradçikut , kurse stina aktive turistike përfundoi me festën tepër të veçantë me balona në fund të muajit shtator. Atëherë mbi 10 balona prej disa..

botuar më 21-10-17 3.15.MD