Programi i ditës

Radioja Kombëtare Bullgare © 2021 Të gjitha të drejtat janë të rezervuara

Kirill Petkov: "Po e vazhdojmë ndryshimin" nuk është një parti presidenciale

Mund të ketë bisedime me DPS dhe GERB vetëm pas mbështetjes së tyre për një reformë të thellë gjyqësore

Foto: BGNES

Formacioni i ri në skenën politike bullgare - partia "Po e vazhdojmë ndryshimin", filloi takime me mbështetësit e saj. Qytetet e para të vizituara nga dy ish-ministrat në qeverinë teknike, Kirill Petkov dhe Asen Vasilev, ishin qytetet e tyre të lindjes, Plovdiv dhe Haskovo, ku bisedat me vendasit i motivuan për t’i vazhduar përpjekjet edhe në të ardhmen. Në Plovdiv Kirill Petkov shpjegoi para BNR-Plovdiv se çfarë lloj njerëzish do të jenë të pranishëm në listat e tyre të kandidatëve.

"14 vjet më parë Asen Vasilev dhe unë filluam një program, të cilin e quajtëm “Kurse të Harvardit”. Në të kishin zgjedhur studentët më të talentuar - master nga e gjithë Bullgaria. Midis tyre kishte juristë, ekonomistë, mjekë, të cilëve u paguanim për shkollimin e tyre. Për këto 14 vjet, 671 persona i kanë kaluar këto kurse. Kjo do të jetë një nga "bankat" për partinë tonë. Një pjesë tjetër do të jenë njerëzit që kanë pasur sukses në bizneset e tyre. "

Në një intervistë për BNR-Horizont Petkov shtoi:

"Ne nuk jemi një parti presidenciale, por e mbështesim presidentin sepse ai kishte guximin t'u jepte të rinjve liri të plotë për të vepruar. Kur të shihni listat tona, do të kuptoni se sa i pastër është ky projekt. Të gjithë njerëzit në listat tona janë zgjedhjet tona personale, me të cilat ne të dy jemi dakord. "

Sa i përket bashkëpunimit me subjektet e tjera politike, Asen Vasilev hodhi poshtë dyshimet e shkaktuara nga disa deklarata për bashkëpunim me Lëvizjen për të Drejtat dhe Liritë (DPS) dhe GERB. Në një intervistë për Nova TV ai tha se ata janë të hapur për të gjithë që i miratojnë mënyrat që partia e re dëshiron të imponojë në qeverinë e ardhshme. "Ekziston një vijë e madhe ndarëse midis nesh dhe DPS për shkak të Deljan Peevskit dhe ligjit Magnitski. Përderisa DPS qëndron fort pas Deljan Peevskit dhe pretendon se Shtetet e Bashkuara kanë bërë një gabim me shpalljen e emrit të tij në listën e të sanksionuarve, ne nuk mund të fillojmë bisedime me ta. Sa për GERB, ne kemi të njëjtin lloj problemi” – saktësoi Vasilev.

Pavarësisht deklaratave kategorike të dy ish-ministrave për transparencë dhe ndershmëri të plotë, ende ka një numër pyetjesh pa përgjigje rreth projektit të ri politik:

"Ka shumë supozime. Njëri prej tyre është se partia është krijuar me bekimin e presidentit, me qëllim që të hiqen disa periferi që nuk do ta përkrahnin kandidaturën e gjeneralit Radev", tha antropologu social Vasill Garnizov. - Këta janë më tepër centristë që nuk ndjekin një lidhje të qëndrueshme politike dhe nuk tregojnë se besnikëria politike është vlera e tyre kryesore.”

Sigurisht që formacioni i ri do të jetë një konkurrent i barabartë i të tjerëve, por sociologu Përvan Simeonov parashikon që konkurrentët kryesorë të "Po e vazhdojmë ndryshimin" do të jenë dy formacione politike – Partia Socialiste Bullgare (BSP) dhe "Bullgaria Demokratike" (BD). Çdo një prej tyre e percepton këtë në mënyrë të ndryshme:

“Në fakt ka dy mënyra veprimi. Ajo konservatore është e BSP, të cilët thonë: “ata na ndajnë”, derisa nga BD thonë se partia e re është partneri i tyre potencial. DB ka përvetësuar një nga mësimet më të rëndësishme të kohës sonë - e ardhmja e politikës është në rrjete, jo në strukturat e saj hierarkike monolite. "

Përpiloi: Joan Kolev

Përgatiti në shqip: Vesella Mançeva

Më shumë nga rubrika

Ngjarjet me adresë ballkanike

Rumania nominoi një veteran nga Iraku dhe Afganistani për kryeministër Presidenti rumun Klaus Johanis propozoi gjeneralin në pension Nikollae Çuka kryeministër të Rumanisë, transmetoi “Routers”. Kandidatura e re është një provë e..

botuar më 21-10-22 5.04.MD

Bullgaria pret inteligjencë dhe profesionalizëm nga shkencëtarët maqedonas

Komisioni i Përbashkët Bullgaro-Maqedonas për Çështje e Diskutueshme Historike takohet online më 21 dhe 22 tetor. Në takimin e 15-të, shkencëtarët do të diskutojnë përsëri temën për Mbretin Samuill dhe Goce Dellçev , tha për BGNES Prof. Angell..

botuar më 21-10-21 1.36.MD

Shqipëria është gati të fillojë bisedimet e pranimit në BE

Nuk ka asnjë shpjegim logjik se pse Shqipëria, e cila i ka përmbushur të gjitha kriteret dhe për të cilën ka unanimitet në Këshillin Evropian, të mos të fillojë bisedimet e anëtarësimit në BE. Kjo do të ishte një shenjë shumë pozitive për të gjithë..

botuar më 21-10-21 9.47.PD